24
Mon, Jun
0 New Articles

Ekipa Araña ho Forsa – Polísia Kaptura Líder Grupu Rabat Kesi

Lider Grupu Rabat Kesi, AMA alias AL ne’ebé ekipa serbisu intelejénsia kaptura tanba kazu na’ok motor no telefone iha kapitál Díli. Foto, Mídia, SRP

Breaking News

Díli-SMI: Ekipa Araña hosi Serbisu Informasaun Polísia Nasional – SIPN hamutuk ho forsa foin lalais ne’e konsege kaptura joven mane ida ho naran inisiál AMA alias AL (17) iha suku Manleuana, Postu Administrativu Dom Aleixo, Munisípiu Díli tanba involve krime jerál ba kau na’ok motor no telefone iha kapitál Díli.

“Servisu Informasaun Polísia Nasionál (SIPN), liu hosi ekipa Araña junta ho FP (Forsa Polísia), asegura joven mane ida ho naran inisiál AMA alias AL tinan 17, hosi Suai, Munisípiu Covalima, hela iha Suku Manleuana, Postu Administrativu Dom Aleixo, Munisípiu Dili ne’ebé envolve krime jerál ba kazu na’ok motór no telefone iha Kapitál Dili”, tuir informasaun ofisial ne’ebé parte SMI asesu foin lalais ne’e.

Durante iha prosesu identifikasaun no investigasaun, lider grupu Rabat Kesi, AMA rekuiñese ninia aktu ne’ebé nia halo hamutuk ho ninia maluk Ariku Malinamuk hodi na’ok motor no telefone iha Díli Laran.

“Iha prosesu identifikasaun suspeitu AMA deklara katak nia hamutuk ho Ariki Malinamuk maka naok motór rua inklui telefone-6. Motor rua ne’e marka Beat Street kor metan sira naok iha area Bebonuk tasi ibun no fa’an ona iha Maubisse.

“Motór ida tan marka Beat kor kinur metan sira naok iha area Comoro Aldeia 4 de Setembru iha loron 15 fevereiru 2024 horas 02:00 madrugada. Enkuantu telefone 6 ne’e faan hotu ona ba vendedór sira iha area Merkadu Taibesse ho presu ne’ebé baratu tebes. Tuir informasaun ofisial PNTL ne’e.

Suspeitu AMA konfesa motór ne’ebé nia grupu seluk naok ne’e hamutuk 18, balu tránzitu Dili no Tránzitu Nasionál prende ona tanba komete infrasaun, nune’e sira sei la ba foti motór refere.

Enkuantu durante halo asaun nia hamutuk ho grupu rua seluk hosi Squad Domin no Mautebe inklui nia maun alin sira husi Grupo RK (Rabat Kesi).

Motór barak mak sei iha nia maluk nain rua seluk ne’ebé oras ne’e ekipa konjunta buka tuir hela. No sira ne’ebé hetan ona kapturasaun mak hanesan Ogi, Ricky Malinamuk, Rivaldo, Ebi, Manekas, Akon, Asaba no Apeu Xina.

Hosi naran hirak ne’e sira komete bebeik ona kazu na’ok osan, na’ok telfone no-mós hadau telfone iha dalan públiku ne’ebé mak rejista ona iha PNTL.

Hafoin identifikasaun ba suspeitu, ekipa servisu kontatu kedas ba SIKN (Servisu Investigasaun Kriminál Nasional) kontinua halo prosesu investigasaun antes submete ba tribunál hodi tuir porsesu julgamentu. (Editór, Guido Santos).

Pin It

Follow us on Twitter

Sign up via our free email subscription service to receive notifications when new information is available.