24
Sat, Feb
0 New Articles

PPN Taka Bankada Parlamentar, Hamosu Fali Ida Ne’e!!

Edifisiu PN, Foto. Internet

Breaking News

Dili – SMI, Depois Prezidente Repúblika dezolve Parlamentu Nasionál iha loron 26 fulan Janeiru foin lalais ne’e, atúalmente Prezidente Parlamentu Nasionál – PN Aniceto Guterres mós dezolve ona Bankada Parlamentar sira no prepara atu indijita deputadu sira ba Komisaun Permanente.

Aniceto esplika katak ninia parte dadaun ne’e prepara ona karta bankada parlamentar sira hodi indijita membru deputadu sira hodi hola parte iha komisaun permanente PN hodi hein prosesu eleisaun antisipada to’o harii parlamentu foun.

“Prepara ona karta ida ba bankadas parlamentares atu indijita ba membru deputadu sira atu hola parte iha komisaun permanente no iha komisaun permanente resolusaun ne’e aprova tiha hamutuk rua nulu resin sia (19) membru deputadus”, dehan nia iha PN, Segunda (29/01)

Prezidente Bankada Partidu Demokratiku - PD Maria Teresa konfirma mós ba SMI katak Konstituisaun RDTL no rejimentu internal PN fo espasu hodi harii komisaun permanente ne’ebé sei indijita deputadu sira mai husi partidu polítiku sira ne’ebé hetana asentu PN.

“Prezidente da Republika desolve ona Parlamentu Nasional no agora tuir Konstituisaun artigu 102 no regimentu artigu 36 ita sei iha komisaun permanente kompostu husi deputadus rua nulu resin sia (29) husi CNRT sanulu, Fretilin sanulu, PLP hat (4), PD tolu (3), no KHUNTO rua (2)”, dehan nia.

Teresa mós aumenta katak ho  establesementu komisaun permanente PN ne’e maka sei atende tomak situasaun parlamentar ne’ebé ho ninia mandatu to’o tomada de pose membru Governu foun nomós membru PN foun.

Prezidente Bankada CNRT Arão Noe mós rekuiñese katak dezolve ona bankada parlamentar sira maibe tuir artigu 100 rejimentu PN katak parlamentu kontinua funsiona to’o primeiru sesaun plenária kintu parlamentu nasionál.

“Governu jestaun hanesan mós parlamentu iha artigu 100 prezidenti desolve, iha numeru 2 hateten katak parlamentu funsiona nafatin to’o primeira sesaun ba kintu parlamentu ninian, ba sesaun parlamentu nian mak mantein diskusaun to’o eleisaun foun hotu i tomada de posse ba deputadus foun sira”, tenki Arão Noe.

Pin It

Follow us on Twitter

Sign up via our free email subscription service to receive notifications when new information is available.