Anin “Tornado” Sobu Kuartel PNTL no Uma Komunidade iha Aileu

“Apezar de natureza ninian maka anin bo’ot estraga uma lubuk ida iha munisipiu sira inklui mós kuartel PNTL balun iha Aileu ida ne’e maka ami informa  ba Prezidente da Republika” dehan Julio Hornay hafoin remata enkotru ho PR ba jornalista sira iha Palasiu Prezidensial Nicolau Lobato Aitarak-Laran, Kinta,(01/02.

Tuir informasaun ne’ebé SMI rekoilla husi publikasaun iha pajina facebook jornalista balun hatudu katak komunidade balun mós ninia uma hetan estraga husi akontesemntu anin boot area refere. Ho akontesementu ne’e, autoridade lokal halo ona levantamentu dadus ba akontesemtu ne’e.

“Komunidade ida iha Samkada Suku Maubisse Vila ho naran Adriano nia uma hetan estraga husi anin boot foin lalais ne’e.  Iha foto nbe tau dadaun OPS Suku Maubisse Villa ho nai Xefi Suku hola parte tomak iha foti dadus kona-ba risku desastre refere”, Racom Maubisse Mauloko hakerek iha nia pajina Facebook, Kinta, (01/02).

Nune’e akontesementu anin boot iha loron 30 fulan Janeiru iha Munisipiu Ainaro konsege estraga ai-rin eletrisidade tohar ne’ebé hanean komunidade nia uma, inklui mos estraga aparellu Telecomsel.

Iha Kapital Dili rasik, mosu anin boot ne’e halo eletrisidade mate kuaze oras balun ne’ebé akontese iha bairo balun hanesan Pantai-Kelapa, Kaikoli no fatin seluk tan. (Editor, Mateus Barros).