24
Sat, Feb
0 New Articles

Aban, Governu Konvoka Reuniaun ho Ekipa Negosiador FM

Asina akordu kona-ba fronteira maritima entre Timor-Leste no Australia iha Nova Yorke. Foto, internet.

Breaking News

Dili-SMI, Tuir planu (aban, tersa-feira) Primeiru Ministru Mari Alkatiri halo konvoka reuniaun ho ekipa negosiador Fronteira Maritima hodi koalia kona-ba relatóriu no konfirma bainhira mak ekipa bele submete relatóriu negosiasaun ba Governu.

“Hau atu konvoka konsellu mar de Timor nian ne’e Konsellu Fronteira  ninian semana oin, hau sei fó tempu, tamba hau hanoin kolen oitoan husik deskansa lai ba, hau sei fó tempu semana ida, tersa-feira ne’e hau sei konvoka reniaun para atu simu relatóriu, bainhira iha relatóriu atu fó”, dehan Primeiru Ministru ba jornalista sira iha Palásiu Prezidensiál Aitarak-Laran, Kinta, (15/03) semana kotuk.

Primeiru Ministru mós komenta katak konfrensia imprensa kona-ba rezultadu negosiasaun FM tuir lolos ekipa negosiador hamutuk ho orgaun estadu, la’os halo iha sede partidu nian. Nomós hatama uluk relatóriu ba estadu hafoin halo konfrensia imprensa.

“Hau koalia hanesan ne’e, hau la’os subsubar fali, ne’e lalos tamba asuntu estadu. Primeiru tenki estadu, tenki iha informasaun para bele organiza regresu xefe negosiador. Segundu antes fó konfrensia, tenki halo relatóriu ba orgaun de estadu, depois mak hamutuk ho orgaun de estadu halo konferensa de imprensa”, Katak atual PM ne’e.         

Iha biban ne’e, atual Primeiru Ministru ne’e mós klarifika ba públiku katak Governu mós marka ninia prezensa hodi simu xefe negosiador fronteira maritima Kay Rala Xanana Gusmão ne’ebé fila mai timor iha semana hirak liu ba.

Nia hatutan katak nia rasik mak nomea delegasaun ida ne’ebé mak ba simu xefe ekipa negosiador wainhira fila mai timor

“Hau mai koalia fali desta ves akontesimentu iha semana ida ne’e iha domingu xefe negosiador fila, informa katak governu, hau rasik mak nomeia delegasaunn ida ba simu, delegasaun se mak xefia, Ministru do Estadu Rui Araújo, Ministru do Estadu Mariano Assanami Sabino, Ministru Defeza e Ministru Negosiu Estrangeiru”, dehan Mari.

Alkatiri hatutan katak antes ne’e parte governu hatene Xanana fila mai ne’e la’os ba estadu, maibe ba Aliansa Maioria ba Progresu - AMP. Ho nune’e governu laiha informasaun maibe partidu maka hetan informasaun kona-ba xefe negosiador nia fila mai timor.

Iha parte seluk,  antes ne’e Xefe ekipa negosiador ba asuntu fronteira maritima Kay Rala Xanana Gusmão deklara ona ba mídia nasionál sira katak pesoalmente sei la halo relatóriu ba Governu. Tanba nia la’os membru VII Governu ne’ebé lidera husi PM Mari Alkatiri. (Editor, Lariwa).  

Pin It

Follow us on Twitter

Sign up via our free email subscription service to receive notifications when new information is available.