13
Sat, Apr
0 New Articles

Distinu VIII Governu, Camilo - Tilman Kontra Malu

Manuel Tilman vs Camilo Ximenes. Foto, SMI.

Breaking News

Dili-SMI, Observador Politika, Universidade Nasionál Timor Lorosa’e (UNTL), Camilo Ximenes, duvida no kontra argumentu jurista timoroan Manuel Tilman ne’ebé deklara distinu Governasaun AMP iha partidu opozisaun FRETILIN nia liman.

 “Hau deskorda ho ideia Manuel Tilman ninian ne’ebé mak dehan katak VIII governu nia destinu iha opozisaun ka partidu seluk nia liman, ne’e laloos”, dehan observador polítika Camilo, iha UNTL, Kuarta, (13/06).

Tuir Camilo katak VIII Governu konstitusionál ne’ebé forma mai husi koligasaun AMP antes eleisaun antesipada ne’e laiha duvidas no sei garante governasaun iha futuru.

“Klaru ita hotu hatene katak partidu tolu ne’ebé mak mai forma aliansa ne’e klaru  sira iha tiha ona komprimisiu, sira ne’ebé mak sira halo durante sira hamutuk ou forma aliansa tuir loloos ne’e sem duvidas”, katak Camilo.

 Antes ne’e, jurista timoroan Manuel Tilman deklara iha mídia nasionál hanesan The Timor News iha hotel Garden Beach – Dili,  (Kinta, 07/06) katak Governasaun AMP atu metin no labele monu mak save iha partidu opozisaun FRETILIN nia liman.

Manuel Tilman aprezenta argumentu katak wainhira Prezidente Repúblika veta  programa Governu mak sei mosu eleisaun antesipada tuir artigu 85 Konstituisaun RDTL alinea f PR sei dezolve PN, wainhira la konsege forma Governu ou liu loron 60 la konsege aprova OJE, asuntu rua ne’e xave iha partidu FRETILIN nia liman.

Jurista Tilman durante ne’e sempre fó ninia esteitmentu kontraversiál kona-ba lala’ok formasaun anterior (VII Governu) no to’o ohin loron kona-ba formasaun VIII Governu nian.

Tuir observasaun SMI durante ne’e kona-ba asuntu distinu governasaun AMP sai diskusaun boot iha mídia sosiál no mídia profisionál sira entre komunidade baibain,  jurista akademiku sira no seluk tan. (Editor, Lariwa).

Pin It

Follow us on Twitter

Sign up via our free email subscription service to receive notifications when new information is available.