Zumalai-SMI, Relasiona ho kondisaun estrada ne’ebé at halo ambulansia mohut iha dalan-kalan (ponte maliseran) entre Postu Administrativu Zumalai ho Munisipiu Covalima, labele salva bebe mane ne’ebé moris iha kareta Ambulansia laran.
Tuir Alianca dos Reis Gomes, nu’udar parteira iha Sentru Saude Zumalai ba SMI katak, bebe mane ho todan 1000 gram ne’e mate iha dalan-klaran hafoin moris iha kareta ambulansia ne’ebé mohut iha ponte maliseran.
“Iha tuku 5:13 bebe ne’e moris rasik ho kondisaun iis sei iha maibe hau labele salva bebe tanba bebe ne’e mós seidauk to’o fulan (foin mk tama fulan neen)”, dehan parteira Alianca, ba SMI liu husi messenger, Sexta, (29/06).
Alinaca haktuir, fatór seluk ne’ebé kontribui hodi bebe ne’e mate tanba distansia entre fatin ambulansia mohut ho ospitál referál ne’ebé dook halo ambulansia to’o tarde iha fatin akontesementu.
“Ami telefone fali ba distritu atu ajuda ambulan seluk mai jemput pasien ne’e tanba distansia dook entaun ambulan ne’e mai tarde oituan”, esplika nia.
Alinca esplika, tuir lolos bebe ne’e bele moris wainhira hetan oksijenia lalais maibe tanba laiha asisténsia oksijenia mak halo bebe mane ho todan 1000 kilogramane’e mate, hafoin partus liu minitu 15, iha kareta ambulansia laran.
"Sim, bebe mane ho todan 1000 kilograma", hateten parteira ne'e.
Nia haktuir kronolojia: “Tuku 3 madrugada pasien nia familia sira telefone mai ami dhn ran fakar komesa iha tuku 12 kalan. No, ami mós ho ambulansia to’o kedas fatin pasien iha suku Raimea lori mai Sentru Zumalai hodi pasang soru no NASG.
"Ami aranka kedas atu ba referál Suai maibe to’o iha dalan ponte Zumalai Maliseran no ambulan to’o klaran mk hakfodak ai 4 tohar dala ida no monu ht tun b ponte okos , ambulan nia roda oin rua ne’e mós monu tun tabele hela ba ponte ne’e”, dehan nia.
Nia mós informa, bebe nia inan Sebastiana dos Reis ho idade 30 dadaun ne’e hetan asisténsia saude iha ospitál referál Suai ho kondisaun diak.
To’o notisia ne’e públika SMI seidauk hetan konfirmasaun ho Diretúr Ospitál referál Suai kona-ba akontesementu refere. (Editor, Lariwa).
