20
Sat, Jul
0 New Articles

Erupsaun iha Bali, PR Lú Olo Fila ho Aviaun TNI-AU

PR Lú Olo ho Primeira Dama Cidalia Guterres foti liman wainhira sae aviaun TNI-AU iha Aeroportu Halim Perdana Kusuma-Jakarta. Foto, Forum Haksesuk.

Breaking News
Typography

Jakarta-SMI, Relasiona ho situasaun erupsaun husi foho ás (gunung Agung) iha Indonézia – Bali, Estadu Indonézia oferese aviaun milítár komponente Aero (TNI-AU) hodi tula Prezidente Repúblika, Francisco Guterres “Lú Olo” ho ninia komitiva fila mai Timor-Leste.

Tuir informasaun ne’ebé SMI asesu iha pajina Facebook Forum Haksesukkatak, sitausaun erupsaun husi foho Agung loron hirak liu ba iha Bali, la premite deslokasaun Xefe-de-Estadu ho nia komitiva orseik (29/06) mai iha Aeroportu Bali.

“PR Lu'olo Ho komitiva apana Aviaun TNI-Au nian husi bandara Halim Perdana Kusama-Dili. Tanba erupsaun iha Gunung Agung, PR RDTL ho komitiva labele desloka mai Bali huri seik”, hakerek iha pajina Forum Haksesuk, Sabdu, (29/06/2018).

Maske nune’e, Estadu Indonézia, liu husi Prezidente Repúblika Indonézia nian fó fasilidade espesiál ba PR ho ninia komitiva ho aviaun militár komponente Aero (TNI-AU) iha Aeroportu Halim Perdana Kusuma – Jakarta hodi fila mai Timor-Leste.

“Estado RI facilita liu husi disponibiliza aviaun Força Aerea TNI -AU nian tula PR RDTL mai Timor –Leste”, dehan FH.

Tuir ajenda, ohin, sabdu, (30/06) Prezidente Repúblika Francisco Guterres “Lú Olo” remata ninia vizita estadu iha Indonézia no fila fali mai Timor-Leste.

Forum Haksesuk ne’ebé públika kona-ba Estadu RI oferese aviaun espesiál militár nian hodi  tula Xefe-de-Estadu ho komitiva iha pajina Facebook hetan apresiasaun barak husi timoroan ba estadu Indonezia, liu-liu Prezidente Indonezia Jokowi. (Editor, Lariwa).

fShare
0
Pin It

Follow us on Twitter

Sign up via our free email subscription service to receive notifications when new information is available.