29
Tue, Sep
2 New Articles

VIII Governu Aprova Foti Orsan Fundu Petrolífera $.140 Milloens

Ilustrasaun Osan Dollar. Foto, Internete.

Breaking News

Dili-SMI, VIII Governu Konstitusionál liu husi reuniaun Konsellu Ministru-KM aprova proposta Ministériu Finansa hodi foti osan hosi fundu petrolífera hamutuk $.140 milloens atu nune’e bele finansia makina Estadu.

“Konsellu Ministru aprova proposta hosi Vise Ministra Finansas nian, kona-ba Governu husu autorizasaun estraordinária ba Parlamentu Nasional atu foti osan hosi Fundus Mina-Rai nian $140 milloins ba kofre estadu atu funsiona mákina estadu hodi hein OGE em vigor”, dehan Komunikadu Imprensa husi Gabinete Primeiru Ministru ne’ebé SMI asesu, Kuarta, (11/07).

Iha reuniaun Konsellu Ministru ne’e mós aprova proposta Ministériu Negósiu Estranjeiru no Kooperasaun kona-ba atu apoiu doasaun hamutuk $.50 Mill anualmenta reprezentante Permanente Repúblika Sarauí iha Timor-Leste.

“Konsellu Ministru aprova Rezulusuan Governu nian ne'ebe proposta hosi Ministru Negósiu Estranjeiru no Kooperasaun atu fó donativu $50 mill anualmente hodi sustenta ba sutentabilidae Reprezentante Permanente Repúblika Sarauí nian iha Dili”, esplika komunikadu ne’e.

Desizaun VIII Governu hodi fó apoiu ne’e relasiona ho istória pasadu kona-ba sira luta ba auto-determinasaun povu Timor-Leste nian. Maske nune’e, apoiu ne’e sei aplika wainhira Orsamentu Jerál Estadu Aprova ona. (Editor, Lariwa).

Pin It

Follow us on Twitter

Sign up via our free email subscription service to receive notifications when new information is available.