25
Thu, Apr
0 New Articles

Livre Hosi Rai-Nakdoko, Estudante Na’in 3 Fila Mai TL

Situasaun estudante na’in tolu, Paulinus Mendes Efi, Paulo Felisberto Carlos Vaz Freitas, no Gabriela Moniz da Silva, ho autoridade Embaxada Indonézia iha TL, iha Aero Portu Nicolau Lobato, Comoro, Dili. Kuarta,(03/10). Foto, KBRI.

Breaking News
Typography

Díli-SMI, Estudante timoroan na’in hat (4) ne’ebé dadaun hala’o hela estudu iha Universidade Tadulako, Palu, Sulewesi Sentrál – Indonézia, ohin, Kuarta, (03/10) na’in tolu (3) ne’ebé livre hosi rai-nakdoko fila mai ona Timor-Leste.

Informasaun ne’e SMI asesu liuhosi komunikadu ne’ebé publika iha sitíu ka Funpage ofisiál embaxada Indonézia iha Timor-Leste, Kuarta, (03/10).

Komunikadu ne’e esplika, estudante na’in tolu (3) ne’ebé ohin fila ona mai Dili mak hanesan Paulinus Mendes Efi, Paulo Felisberto Carlos Vaz Freitas, no Gabriela Moniz da Silva, ne’ebé simu diretamente hosi Embaxadór Indonézia iha Timor-Leste, Sahat Sitorus, iha Aero Portu Internasional Nicolau Lobato, Comoro, Dili.

Iha komunikadu ne’ebé hakerek ho lia-Indonéziu esplika estudante timoroan na’in tolu (3) ne’ebé estuda iha Palu ne’e livre hosi rai-nakdoko iha loron Sábadu, (28/09) foin lalais ne’e.

“Paulinus Mendes Efi, Paulo Felisberto Carlos Vaz Freitas, dan Gabriela Moniz da Silva, fila ona mai Dili ohin, 3 Outobru 2018. Sira na’in tolu nu’udar sidadaun Timor-Leste ne’ebé hala’o hela estudu iha Universidade Tadulako, Palu, Sulawesi Sentrál, ne’ebé livre (moris) hosi rai-nakdoko ne’ebé afeita Palu no Donggala, loron 28 Setembru liu ba”, hakerek iha komunikadu ne’e ho lia-Indonéziu.

Maibe, komunikadu ne’e mós klarifika katak, estudante feto ida mak sei hetan tratamentu intensivu hodi rekopera ninia pisikolójia tanba hakfodak hosi rezultadu rai-nakodoko foin lalais ne’e.

“Maske nune’e,  Anita Natalia Lourdes da Silva, dadaun ne’e sei iha Bali hodi ini masih berada di Bali hodi rekopera psikolójia”, informa komunikadu ne’e.

Embaxadór Indonézia iha Timor-Leste fó apresiasaun parte kompetente sira ne’ebé durante ne’e kolabora no suporta hodi lori fila estudante timoroan sira ne’e mai fali Timor-Leste hodi hamutuk ho familia sira.

Antes ne’e, iha loron Dumingu, (30/09),  Embaxada Indonézia iha Timor-Leste konfirma katak estudante timoroan na’in hat (4) iha kondisaun diak no iha prosesu evakuasaun no kontaktu konsuladu Timor-Leste iha Bali hodi fasilita prosesu lori fila mai Dili.

Tuir mídia nasionál Indonézia hanesan Televizaun Kompas fó sai katak hosi rezultadu rai-nakdoko iha loron Sábadu, (29/09) semana kotuk to’o loron Tersa, (02/10) orseik maizumenus ema hamutuk 844 ne’ebé mak mate. No, ema atus resin mak hetan asistensia médiku iha ospitál sira no fatin públiku sira. (Editor, Mateus Barros).

Pin It

Follow us on Twitter

Sign up via our free email subscription service to receive notifications when new information is available.