26
Fri, Apr
0 New Articles

Estadu TL Hetan Dezafiu Kaptura Emilia Pires iha Portugal

Eis Ministra Finansa, Emilia Pires ho nia laen Warren Macleod. Foto, Internete.

Breaking News
Typography

Díli-SMI, Estadu Timor-Leste liuhosi Embasada iha Portugal durante ne’e buka hela arguída eis Ministra Finansa, Emilia Pires, atu kaptura maibe to’o ohin laiha rezultadu tanba seidauk hetan ninia padeiru loloos.

Embasadora TL iha Portugal, Maria Paixão, heteten, parte embasada simu duni surat ida hosi Governu liuhosi Ministériu Negosiu Estranjeiru no Koperasaun – MNEK hodi buka arguídu Emilia Pire maibe hetan difikuldade hodi identifika loloos ninia paradeiru iha nasaun Portugal.

“Hau simu duni surat ida, husi governu, husi ministériu hau nian negósiu estranjeiru para atu buka Emilia Pires, hau tau duni ema buka, iha fatin hotu-hotu maibe ami la konsege hetan”, dehan Maria Paixão, ba jornalista sira hafoin remata enkontru ho Prezidente Repúblika, Francisco Guterres Lú Olo, iha palasiu prezidensial Aitarak-Laran, Tersa, (05/03).

Maria Paixão, esplika, dezafiu ne’ebé ninia parte enfrenta hodi buka paradeiru Emilia Pires mak arguida eis ministra Finansa ne’e la rejistu nu’udar timoroan iha embasada Timor-Leste nian.

“Hau tau duni ema buka, iha fatin hotu-hotu maibe ami la konsege hetan nia iha ne’ebe, tamba nia lla regista iha embaixada hanesan timor oan. timor oan hotu-hotu ne’ebe regista iha embaixada hanesan timor oan iha nia númeru telefone, iha email, iha nia diresaun fasil bainhira ami atu ba buka, mas nia ba iha ne’eba mos hau la hatene i nia hela iha ne’ebé mos hau la hatene”, dehan eis Vise Prezidente Parlamentu ne’e.

Diplomata ne’e haktuir, durante ne’e parte embasada halo ona esforsu liuhosi parte imigrasaun nian nomós sekretária embasada hodi buka iha fatin residente ne’ebé identifikadu nomós iha igreja maibe seidauk konsege hetan.

“Ita nia responsável kona-ba imigrasaun ninian, Angelo Lafu hamutuk ho hau nia motorista mak ba buka, primeiru hau nia Sekretaria Maria de Lourdes ba buka mas la konsege hetan, ba hein iha igreja karik nia ba misa iha ne’eba, mas la hetan”, Tenik nia.

Nia hatutan, durante ekipa embasada buka tuir Emilia Pires ho meus hatudu fotográfia iha fatin kafetaria ne’ebé idenfitikadu besik ninia residente maibe maioria ema la kuiñese Emilia Pires.

“Hau nia segundu sekretáriu sai ho motorista ba i ultimu tentativa mak  sr. Angelo Lafu responsável imigrasaun ninian ho hau nia kondutor Balter Cruz  sira nain rua ba buka  duni ba prediu ne’ebé ema balun sujere mas ba husu hatudu ho fotografia iha café sira ne’ebe besik-besik  mas ema dehan ami la koinese”, katak nia.

Foin lalais ne’e ema halo públikasaun fotográfia Emilia Pires la’o hamutuk ho joven mane ida hodi halo tratamentu dokumentu legál nian iha Portugal.

Iha fulan Jullu 2014, Ministériu Públiku – MP akuza eis Ministra Finansa, Emilia Pires tanba involve prátika krime partisipasaun ekonómika iha negosiu ho krime administrasaun  ho númeru prosesu NUC 1212/12.PDDIL.

Emilia Pires rasik halai sai hosi Timor-Leste ba nasaun Portugal iha tinan 2016 ho razaun atu halo tratamentu saúde. (Editor, Lariwa).

Pin It

Follow us on Twitter

Sign up via our free email subscription service to receive notifications when new information is available.