25
Mon, Oct
0 New Articles

Manipula Dadus Simu Subsídiu $.200,00 USD, KAK Sei Prosesa Autoridade Lokál Sira

Orsan-ta’an Atus ida Dollar Amerikanu. Foto, Internete.

Breaking News

Díli-SMI: Parte Komisaun Anti Korupsaun – KAK sei prosesa Xefe Suku sira tuir prosedementu legál wainhira rezultadu investigasaun identifika involve direta iha kazu infrasaun ba distribuisaun subsídiu COVID-19 $.200,00 USD ba familia agregadu iha teritóriu laran fulan hirak liu-ba.

Tuir rezultadu monitorizasaun no akompañamentu ekipa konjunta KAK identifika katak maioria autoridade lokál halo infransaun ba kriteria familia agregadu sira atu hetan subsídiu $.200,00 USD hosi fundu COVID-19 nian.

“Ba kazu infrasaun sira ne’ebé envolve autoridade lokál no autoridade relevante sira sei halo averiguasaun no apuramentu hodi prosesu tuir lei haruka”, dehan Komisariu KAK, Sergio Hornai, wainhira hala’o konferénsia imprensa iha edifisiu KAK, Farol-Díli, (Kuarta, 05/08).

Komisariu, Sergio Hornai, relata, iha indikasaun forte hosi infrasaun ne’ebé autoridade lokál sira komete mak fó livre ba joven sira hodi hetan subsidiu COVID-19 maske seidauk harii familia ka uma-kain.

Pior liu-tan, Sergio, hatutan, infrasaun ne’e akontese tanba parte Ministériu Administrativu Estatal – MAE no Ministériu Solidariedade Sosiál no Inkluzaun – MSSI la-halo verifikasaun ho didiak ne’ebé ikus mai prejudika ba orsamentu estadu nian.

“Iha impresaun no indísius katak autoridade lokál no komunitaria sira permite joven sira livremente rejistu nu’udar benefisiáriu tanba la iha prosesu verifikasaun ida rigorozu hosi MAE no MSSI”, Katak, Komisariu CAC Sergio.

Ekipa konjunta KAK ninia akompañamentu durante prosesu distribuisaun subsídiu $.200,00 USD deskobre mós benefisiáriu ne’ebé ho saláriu mensal liu $.500,00 USD mós hetan hotu subisídiu COVID-19 nian.

“Iha dadus no prova katak benefisiáriu sira ho saláriu/rendimentu mensal superior US$500.00 maibé sira mós naran sai iha lista aprovadu hodi asesu ba fundu apoiu agregadu familiar ne’e,” katak nia.

Nune’e, liu-hosi konferénsia imprensa, Komisaun KAK, Sergio Hornai, husu ba benefisiáriu la elijivel sira atu bele entrega fila fali orsan subsídiu familia agregadu ba Estadu.

Tanba, tuir dadus ekipa konjunta KAK nian maizumenus benefisiáriu la elijivel hamutuk ema na’in 148 mak konsege simu ona subsídiu ho ninia totál orsamentu hamutuk $.29,600,00USD.

“Ekipa konjunta identifika benefisiariu sira ne’ebe la elejível tuir lei maibé konsege simu/asesu tiha ona ba subsidiu hamutuk benefisiariu 148 ho total osan hamutuk US$29.600”, tenik nia. (Editór, Guido Santos).

Pin It

Follow us on Twitter

Sign up via our free email subscription service to receive notifications when new information is available.