Díli-SMI: Instituisaun Polísia Nasional Timor-Leste – PNTL liu-hosi Vunerable Person Unit – VPU rejista kazu volénsia seksual hamutuk 128 ne’ebé akontense iha teritoriu laran durante fulan 8, entre Janeiru to’o Agostu, tinan ida-ne’e.
“Hahú hosi fulan Janeiru to’o Agostu tinan 2021 kazu violénsia doméstika hamutuk 687 no kazu violénsia seksuál hamutuk 128”, katak, Eis Komandante Polísia VPU, Inspetór, Ricardo da Silva, iha Kaikoli - Díli, Tersa, (17/08) wainhira hala’o sorumutu ho Sekretaria Estadu ba Igualdade no Inkluzaun – SEII, Maria José da Fonseca.
Parte VPU rasik mós rejista kazu violénsia doméstika hamutuk 687 ne’ebé mós akontese durante fulan 8 nia laran.
Durante audénsia, Inspetór Polísia, Ricardo da Costa ho SEII ko’alia kona-ba kria estratéjia no mekanizmu hodi halo sensibilizasaun kona-ba violénsia doméstika no violénsia seksual ba públiku iha futuru.
“Fahe hanoin hamutuk oinsá mak bele kria estratéjia ne’ebé di’ak hodi hamosu mensajen xave balun ne’ebé klaru ba ema hotu kona-ba violénsia sira ne’e.
“Violénsia ne’e la’ós dalan atu hatán ba sira-nia dezentendimentu hirak-ne’ebé iha, atu nune’e labarik sira labele sai vítima hosi violénisa oioin ne’ebé akontese no oinsá bele koordena ho parte hotu hodi kria kondisaun seguransa no edukasaun ne’ebé di’ak ba labarik vítima sira bele kontinua eskola”, tenik, Inspetór Polísia ida-ne’e.
Asuntu seluk ne’ebé parte VPU hato’o ba parte Governu liu-hosi SEII kona-ba mudansa kargu lideransa nasional iha VPU nian.
Nia mós fó informasaun seluk kona-ba utilidade apoiu Tum Tum hosi SEII ba serbisu membru VPU iha munisípiu sira. (Editór, Caleri).
