25
Mon, Oct
0 New Articles

Vitíma 144 Iha Lahane Seidauk Hetan Apoiu Konstrusaun

Uma komunidade iha aldeia Suhurama, suku Lahane Oriental ne’ebé hetan estragus hosi inundasaun 4 Abril 2021. Foto, Sojito Martins.

Flash News

Díli-SMI: Komunidade ka Xefe Família hamutuk 144 ne’ebé sai vitíma hosi dezastre naturais iha inísiu tinan ida-ne’e (4 Abri 2021) to’o seidauk hetan apoiu material konstrusaun hodi harii fali sira nia uma ne’ebé hetan estraga durante mosu inundasaun iha kapitál Díli.

Xefe Aldeia Suhurama, Julío Amaral, esplika, to’o ohin loron ninia komunidade ne’ebé sai vitíma ka afeita hosi inundasaun iha loron 4 fulan Abril 2021 tanba uma hetan estraga hotu maibe seidauk hetan apoiu material konstrusaun hosi parte Governu.

“To’o agora vitíma sira seidauk simu material konstrusaun hosi governu. Totál vitima ne’ebé afeita hosi dezastre natuarais ho uma-kain hamutuk 114, maibe iha uma kain hamutuk 12, maka uma aat grave liu, no uma-kain hamutuk 102, aat kaman, no dadus hirak ne’e relata hotu ona ba governu”, dehan, Xefe Aldeia Suhurama, Julío Amaral, iha ninia rezidensia, Lahane, foin lalais ne'e.

Iha parte seluk, vitíma ida iha aldeia Suhurama, Suku Lahane Oriental, Postu Administrativu Na’in Feto, Munisípiu Díli, Mariana Teresa, konfirma, seidauk hetan apoiu material konstrusaun hosi parte Governu hodi hadi’a ninia uma ne’ebé hetan estraga tanba impaktu hosi dezastre natural foin lalais ne’e.

“Besik ona fulan 5 governu seidauk fó ajudus kona-ba material konstrusaun hanesan kalen, besi, semente, ai, pregu, ho orsan. Atu fó ajudus ne’e ho lalais ba ami vitima sira, hodi harii hikas, ami nia uma”, tenik, vitíma ne’e.

Responde ba kestaun refere, parte SMI halo konfirmasaun ho parte Diretúr Dirasaun Nasionál Jestaun de Risku Dezastre – DNJRD, Augostinho Cosme Belo, maibe la-fó razaun ruma maibe hato’o de’it katak asuntu ne’e kompeténsia Diretúr Ezekutivu nian.

Tuir dadus prelimanáriu ne’ebé ekipa tarefa verifika no rekoilla iha teritóriu laran hosi impaktu inundasaun iha loron 04 Fevereiru 2021 hatudu katak totál infra-estrutura hamutuk millaun $225 mak hetan estragus. (Editór, Caleri).

Pin It

Follow us on Twitter

Sign up via our free email subscription service to receive notifications when new information is available.