24
Mon, Jun
0 New Articles

PR Horta Simu Kredensiál Diplomátiku Hosi Nasaun Angola

Embaxadór Angola ba Timor-Leste, José Andrade de Lemos entrega karta kredensiál ba Prezidente Repúblika, José Ramos Horta, iha Palasiu Prezidensial Aitarak-Laran, Díli. Foto, Mídia PR.

Flash News

Díli-SMI: Estadu Timor-Leste, liu-hosi Xefe Estadu, Jose Ramos Horta, simu karta kredensiál diplomátiku hosi Sua-Exelénsia, José Andrade de Lemos, nu’udar Embaxadór Estraodináriu  no Pilenipotensiáriu Repúbliku Angora ba Timor-Leste.

“Prezidente Ramos-Horta simu kredensiál diplomátiku husi Sua Eselénsia José Andrade de Lemos nu'udar Embaixadór foun Estraordináriu no Plenipotensiáriu Repúblika Angola nian ba Repúblika Demokratika Timor-Leste.”, esplika, komunikadu imprensa ne’ebé SMI asesu, foin lalais ne’e.

José Andrade de Lemos nu'udar diplomata Angolanu ida ne'ebé susesu ho karreira ne'ebé hala'o durante tinan tolu-nolu nia laran. 

Embaxadór ne’e mós asumi kargu seluk nu’udar Konselleiru iha Gabinete Sekretáriu Estadu Negósiu Estranjeiru ba nasaun 6 iha Eropa no Afrika.

“José Andrade de Lemos nu'udar diplomata Angolanu ida ne'ebé susesu ho karreira ne'ebé hala'o durante tinan tolu-nolu nia laran.  Nia servisu nu'udar konselleiru iha Gabinete Sekretáriu Estadu Negósius Estranjeiru (SENE) no Embaixadór Angola nian ba Emiradus Arabes Unidus, Arabia Saudita, Kuwait, Qatar no Bahrain”, tuir komunikadu ne’e.

Nasaun rua hanesan Timor-Leste no Angola iha ligasaun istórika ida-ne'ebé kle'an iha sira-nia luta ba libertasaun nasionál. Nasaun rua ne'e iha kompromisu atu hametin sira-nia relasaun bilaterál amigável iha ámbitu Komunidade Pais Lian Portugés (CPLP- sigla português).

“Timor-Leste no Angola iha ligasaun istórika ida-ne'ebé kle'an iha sira-nia luta ba libertasaun nasionál. Iha kompromisu atu hametin sira-nia relasaun bilaterál amigável iha ámbitu Komunidade Pais Lian Portugés (CPLP- sigla português)”, haktuir hosi komunikadu refere.

Timor-Leste rekoñese potensialidade Angola nian iha setór mina-rai no gás, hodi hatudu interese iha parseria diplomátika, ho Angola sei sai hanesan nasaun primeiru husi nasaun Afrika ne'ebé ko'alia lian portugés hodi loke embaixada iha Timor-Leste, hodi kontinua relasaun diplomátika.

Relasaun bilateral entre nasaun rua ne'e mós haluan ba asuntu rejionál sira, inklui disputa marítima iha Tasi Xina Súl, iha ne'ebé Timor-Leste apoiu rezolusaun pasífika liuhosi diplomasia. Apoiu malu iha esforsu multilaterál sira inklui esforsu Timor-Leste nia integrasaun ba ASEAN no pozisaun Angola nian iha Sahara Osidentál. (Editór, Guido Santos)

Pin It

Follow us on Twitter

Sign up via our free email subscription service to receive notifications when new information is available.