Dili, Kandidatu jornalista investigatvu, Anita Gomes Soares senti kontente ho formasaun Sentru Mídia Investigativu - SMI senti kontente tanba durante formasaun hetan matéria jornalizmu investigativu nian.
“Hahu formasaun jornalizmu investigativu iha SMI buat hotu la’o diak, tamba formador sira hanorin ho metodu ne’ebé mak diak no halo ami kompriende lalais”, dehan Gomes foin lalais ne’e iha Taibesi, Dili.
Maibé, formandu ne’e husu ba formador sira atu bele hanorin mós oinsa bele hakerek notísia ne’ebé diak iha jornal no online hanesan mós edit video ho rádiu atu nune’e bele kompriende diak liu tan bainhira ba estájiu.
Iha fatin hanesan, Julino Cardoso Mendonça nu’udar mós partisipante formasaun jornalizmu investigativu katak formasaun iha SMI la’o ho diak, tamba hanorin husi formador sira ne’ebé mak iha ona esperénsia barak iha area investigativu nian.
“Mundu jornalizmu investigativu ne’e importante, hau hakarak sai jornalista tanba jornalista nu’udar lalenok ba povu, no hodi hato’o informasaun ba públiku”, Julino komenta.
Parte seluk, partisipante formasaun jornalizmu investigativu Evangelita Nunes Soares senti kontente no hetan benefisiu husi formasaun SMI tanba bele kompriende hatene kona-ba lala’ok jornalizmu investigativu nian. Maibe nia husu atu iha balansu entre teoria no prátika hodi nune’e bele kompleta diak liu tan sira nia kuiñesementu iha area jornalizmu nian. (Niko/SMI)
