Dili – SMI, Prezidente Parlamentu Nasional – PN, Aniceto Guterres hateten katak relasiona ho situasaun politika atual iha rai-laran, entrega tomak ba Prezidente Republika atu foti desizaun tuir konstituisaun.
“Kona-ba situasaun polítika atual, desizaun tomak entrega ba Presidente da República hodi foti desizaun tuir konstituisaun”, dehan Aniceto hafoin halo reunion semana ho Prezidente Republika iha Palasiu Aitarak-Laran, Kinta, (18/01) ne’ebé públika iha pajina ofisiál Facebook PN, Segunda, (22/01).
Info husi FB formal relasaun publiku PN nian
Tuir publikasaun ne’e dehan katak durante enkontru PPN mós informa kona-ba funsionamentu serbisu PN durante semana ida nian.
Informasaun iha pajina ne’e mós justifika ba publiku katak durante semana hirak nia laran laiha sesaun plenaria tanba laiha ajenda ne’ebé fiksu iha periodu antes ordem do dia nian.
