Dili – SMI, Movimentu Universitariu Timor Leste (MUTL) ameasa deputadu no deputada iha terseriu lejizlatura obrigatoriamente entrega ona kareta prado ba Parlamentu Nasional – PN atuál, selae sei organiza asaun manifestasaun boot hasoru sira iha tempu badak.
“Ami ejize nafatin ba deputadu terseira lejizlatura ne’ebé maka to’o agora seidaukhatama kareta prado ba parlamentu nasional, sira tenki hatama sei la hatama maka tempu tuir fila fali maka ami sei akumula hamutuk juventude Timor Leste, tantu estundante universitariu halo asaun manifestasaun boot”, dehan Porta Voz MUTL, Manuel Pinto liu husi Konfrensia Imprensa iha Kampuz Liceu, Dili, Sexta, (19/01).
Porta Voz ne’e esplika katak MUTL sempre preparadu hodi mobiliza masa atu halo demonstrasaun, maibe tanba situasaun politika rai-laran maka seidauk bele realiza asaun refere. Tuir nia katak deputadu sira terseira lejislatura tau interese partidariu as liu kompara ho interese nasaun no povu.
Liu husi Konfrensia Imprensa ne’e, porta voz ne’e mós husu ba Prezidente Republika Francisco Guterres "Lu Olo" atu dizolve PN hodi nune’e entrega fila fali ba povu hodi hili sira nia reprezentante foun ne’ebe iha responsabilidade duke povu hein kleur liu no terus dala barak ona situasaun politika ida ne’e.