Dili – SMI, Relasiona kompañia balun ne’ebé deskonfia seidauk selu taxa durante ne’e, tuir deputadu Merício Juvinal dos Reis esplika katak kualker sidadaun ne’ebé halo negosiu ka harii kompañia tenki kumpri regra lei tributaria hodi selu taxa ba estadu tanba nu’udar fontes rendementu ba nasaun.
“Liga ba ita nia negosiante sira, ho ita nia kompañia sira ne’e obrigatoriu tamba taxa ne’e fontes prinsipál ida ba rendimentu nasaun”, dehan membru Komisaun B Parlamentu Nasional - PN ba asuntu Finansa Públiku ne’e SMI, iha PN, Tersa, (23/01).
Wainhira SMI husu kona-ba Kompañia Zenilda Gusmão ne’ebé seidauk selu taxa durante tinan tolu, eis deputadu Partidu Libertasaun Popular – PLP ne’e lamenta ho atetude ne’e tanba viola lei no la kumpri ninia dever un’udar sidadaun iha nasaun Timor-Leste.
“Bainhira kompaña sira la selu ne’e ,ladun diak intermu ba sidadaun, tanba sidadaun diak ne’e selu taxa se la selu ne’e klaru ona viola lei no la kumpri nia dever núdar sidadaun ida iha nasaun”, dehan eis Diretúr NGO Luta Hamutuk ne’e.
Liga ho polisia halo buska ba residensia Zenilda Gusmão, deputadu ne’e lakohi fo komentariu tanba ne’e asuntu tekniku ne’ebé liga ho kompeténsia ba regra polisia no tribunal.
