Dili - SMI, Estudante rihun ba rihun ne’ebé ho valor diak maibe labele pasa hodi kontinua hala’o ninia estudu iha Universidade Nasionál Timor Lorosa’e – UNTL tanba parte universidade presiza deit ema na’in Ualu Nolu (80) ba kada departementu.
“Proposta ba vaga ne’ebé UNTL husu maka kada departamentu presiza ualu nulu (80), tan ne’e ba vaga ne’ebé estudante sira tuir maske ho valor maibé ho limitasaun sira la hetan fatin ba vaga ne’ebé sira kompete ba”, Dehan Diretúr Nasionál no Ensinu Superior Edukasaun no Kultura, João dos Santos iha nia serbisu fatin Ministeriu Edukasaun, Segunda, (29/01).
João ne’e esplika katak estudante finalist sira ne’ebé asesu ba UNTL hothotu liu husi opsaun tolu maka regime jerál, oprtunidade no rejime espesiál ne’ebé vaga mai husi UNTL rasik.
Diretúr ne’e hatutan estudante sira nia rezultadu ezame ba rejime tolu ne’e maka Ministeriu halo avaliasaun bázea ba sistema no mekanizmu ne’ebé ME establese.
Nia kontinua fo ezemplu hanesan Medisina Jerál presiza estudante ema na’in 80 deit tuir kada departementu ne’ebé ema na’in 50 resin maka pasa iha medisina jerál nian.
“Ha’u fo ezemplu primeiru medisina jerál, vaga ne’ebé UNTL fo kada nia departementu Ualu nulu deit, valor ne’ebé bot lima nulu resin ida, tun to haat nulu resin hitu to haat nulu resin walu sira la tama ona” nia esplika.
Ho nune’e, diretúr ne’e husu ba estudante sira ne’ebé la pasa iha selesaun hodi kontinua hala’o ninia estudu iha UNTL lalika lara susar tanba sei iha oportunidade seluk hodi kompete.