Dili-SMI, Prezidente Parlamentu Nasionál, Arão Noe Amaral, afirma, durante mandatu V lejizlatura sei fó prioridade ba programa governu no Orsamentu Jerál Estadu – OJE hodi labele kontinua ho orsamentu doudesimal ba futuru.
"Sim ajenda prioridade primeiru mak programa governu, mandatu ami nian hanesan ohin hau dehan tiha ona, prioridade primeiru maka programa governu, segundu mak Orsamentu Jerál Estadu para ita bele hakat sai tiha husi Orsamentu duodesimal neebe ita uza durante fulan neen nia laran”, dehan PPN Eleitu, Arão Noe, iha PN, Kuarta, (13/06).
Eis deputadu bankada CNRT ne’e mós promete sei aplika mekanizmu sira tuir regra konstituisaun wainhira hala’o serbisu nu’udar PPN nian.
"Mekanismu ita sei kumpri nafatin hanesan ohin hau dehan tiha ona iha deklarasaun katak hanesan estadu de direitu ita tenki kumpri regras konstituisionais no legais regimentais”, nia komenta.
Eis Xefe Bankada partidu CNRT, Arão Noe eleitu sai nu’udar Prezidente Parlamentu Nasionál – PPN ba V lejizlatura periodu 2018 – 2023 ho votu afavor 36, kontra 29 no abstensaun 0.
Arão Noe nu’udar lista kandidatu uniku husi koligasaun Aliansa Maioria Parlamentar – AMP ne’ebé kompostu husi partidu KHUNTO, PLP no CNRT. (Editor, Mateus Barros).
