Dili-SMI, Prezidente Parlamentu Nasional - PPN, Arão de Jesus Amaral afirma katak aban, (Kinta, 21/06) V lejizlatura sei hahu plenária estra-ordináriu atu nune’e bele kompleta konstituisaun komisaun sira hodi nune’e bele funsiona PN ho diak.
“Agenda ba aban iha agenda lubuk ida, plenária extra ordinária para atu halo kompleta tiha konstituisaun ba Komisaun, kuandu komisaun kompletu ona mak parlamentu ne’e ninia estruturalmente funsiona”, dehan PPN, Arão Noe hafoin enkontru ho Prezidente Repúblika iha Palasiu Prezidensiál Aitarak-Laran, Kuarta, (20/06).
Arão esplika katak plenária estra-ordináriu aban ne’e bázea ba rezultadu reuniaun lider bankada sira orseik (19/06) hodi konstitui komisaun atu nune’e bele hahu ona priense atividae V lejizlatura nian.
Nia hatutan, durante enkontru ho PR aprezenta estrutura PN no fó mós informasaun kona-ba bankada ualu (8) ne’ebé sei establese iha PN nian.
Durante enkontru ho xefe estadu, PPN mós aprezenta kompozisaun meja PN, bankadan funsionamentu PN ba PR
“Ami mai aprezenta deit ami nia estrutura, primeiru asuntu mak aprezenta estrutura ne’ebé eleitu, segundu konstituisaun ba bankadas parlamentares, iha bankada walu (8)”, dehan nia.
Nia mós agradese ba PR ne’ebé iha ona disponibilidade hodi simu sira nian pedidu hodi halo sorumu ida ne’e. (Editor, Mateus Barros).
