Dili-SMI, Eis Prezidente Repúblika,Taur Matan Ruak, ne’ebé hetan toma pose iha loron Sesta, (25/06), ohin hahu hala’o ninia knár iha Palásiu Governu nu’udar Primeiru Ministru – PM VIII Governu konstitusionál ba periodu 2018 – 2023.
PM Taur Matan Ruak, to’o iha Palasiu Governu tuku 7:45 ne’ebé simu diretamente husi eis Sekretariu Estadu Komunikasaun Sosial, Mateus Boavida no akompaña husi funsionáriu Gabineti PM nian.
“S.Exa. Primeiru Ministru to’o iha Palasiu Governu iha oras 7.45 OTL, simu direta husi Eis Sekretariu Estadu Komunikasaun Sosial, Dr. Matías Boavida akompaña husi funsionáriu Gabinete Primeiru Ministru nian”, dehan komunikadu ne’ebé SMI asesu, Segunda, (25/06).
Iha loron dahuluk hala’o knár ne’e, PM Taur Matan Ruak mós simu relatóriu serbisu VII Governu durante fulan 8 ne’ebé entrega diretamente husi porta voz Governu anterior, Matías Boavida.
Depois seremonia simu relatóriu, Xefe Governu kontinua hala’o atividade iha ninia edifisiu hodi simu funsionáriu, xefe sira iha gabinete PM nian.
Tuir ajenda, parte lorokraik ne’e, TMR sei halo enkontru dahuluk ho membru Governu foun hamutuk eman na’in 22 ne’ebé hetan toma pose hamutu ho PM iha loron Sexta, (22/06) semana kotuk. (Editor, Mateus Barros).
