Dili-SMI, Atúal Primeiru Ministru VIII Governu konstitusionál, Taur Matan Ruak, simu ona relatóriu serbisu VII Governu durante fulan 8 ne’ebé entrega diretamente husi Sekretáriu Estadu Komunikasaun Sosiál - SEKOMS, Matías Boavida.
PM Taur Matan Ruak, to’o iha Palasiu Governu tuku 7:45 ne’ebé simu diretamente husi eis Sekretariu Estadu Komunikasaun Sosial, Mateus Boavida no akompaña husi funsionáriu Gabineti PM nian.
“S.Exa. Primeiru Ministru to’o iha Palasiu Governu iha oras 7.45 OTL, simu direta husi Eis Sekretariu Estadu Komunikasaun Sosial, Dr. Matías Boavida akompaña husi funsionáriu Gabinete Primeiru Ministru nian”, dehan komunikadu ne’ebé SMI asesu, Segunda, (25/06).
Loron ohin, nu’udar loron dahuluk eis Prezidente ne’e hahu hala’o ninia knár iha Palasiu Governu nu’udar Primeiru Ministru – PM ba VIII Governu konstitusionál ba periodu 2018 – 2023.
Tuir ajenda, parte lorokraik ne’e, TMR sei halo enkontru dahuluk ho membru Governu foun hamutuk eman na’in 22 ne’ebé hetan toma pose hamutuk ho PM iha loron Sexta, (22/06) semana kotuk. (Editor, Mateus Barros)
PM Taur Simu Ona Relatóriu VII Governu
Porta-Vos VII Governu, Matías Boavida entrega relatóriu serbisu Governu anterior ba PM Taur Matan Ruak. Foto, Mídia Gabinete PM.