Díli-SMI, Banco Central Timor Leste – BCTL ho Servisu Rejistu no Verfikasaun Emprezarial – SERVE, ohin (17/09) asina nota intendementu kona-ba futuru serbisu hamutuk entre instituisaun rua ne’e hodi kombate krime brankamentu kapitál iha Timor-Leste.
Diretóra Ezekutiva Unidade Informasaun Finanseiru – UIF, Maria José Sarmento, esplika, razaun prinsipál hosi asinatura nota intendementu entre BCTL ho SERVE hakarak kombate krime brankamentu kapitál, finansiamentu terorizmu no krime relevante seluk iha futuru.
“Objetivu asinatura memorandu intedimentu ida ne’e hanesan ambitu rekejitus legais ba prevensaun no kombate krime brankeamentu kapitais no finansiamentu terorismu. Inklui mós krime relevante sira ne’ebé que fó orijen ba brankamentus kapitais”, Dehan Diretóra Ezekutiva UIF, iha Edifisiu BCTL, Farmosa-Dili, Segunda, (17/09).
Diretóra UIF, esplika, hateten,iha ambitu ne’e iha kompetensia nebe lei fo ba UIF,katak kompetensia funsaun no responsabilidade principal atu simu relatoriu transisaun suspeitu husi instituisaun nebe mak vigor iha lei artigu 3 iha brankemanetus kapitais atu hato’o relatoriu ba UIF.
“Portantu iha ambitu rekezitus legáis ida ne’ebé lei fó ba Unidade Informasaun Finanseira nian, kompeténsia funsaun no responsabilidade prinsipál mak atu simu relatóriu tranzisaun suspeita hosi instituisaun finanseira ga instituisaun hotu-hotu ne’ebé mak define iha lei iha artigu 3 iha brankeamentu kapitais nian”, katak Maria Sarmento.
Parte seluk, Diretúr Ezekutivu SERVE, Floréncio Sanches, afirma, SERVE nu’udar instituisaun públiku presiza duni nota indetementu ida ne’e hodi responde ka kumpri lei ne’ebé implementa tiha ona.
“Ba SERVE hanesan instituisaun públiku katak ida ne’e obrigasaun SERVE tenki halo tamba iha lei sira ne’ebé mak SERVE implementa dadauk. SERVE simu pedidu depois ofisiálmente rejista ba iha baze de dados nasioná nian”, dehan Floréncio.
Antes asina nota intendementu ho SERVE, BCTL asina ona nota intendementu ho Ministériu Públiku – MP, Komisaun Funsaun Públiku – KFP, Komisaun Anti Korupsaun – KAK no Polisia Sientifika Investigasaun Kriminal – PSIK.
Tuir planu BCTL sei hala’o koperasaun nivél internasionál hanesan Unidade Informasaun Finanseira Portugál, Cabo-Verde, Moçambique, São Tome Principe no seluk tan. (Editor, Lariwa)
