22
Thu, Aug
0 New Articles

ADB Apoiu $.300.000 Hodi Finansia Seitor Peska iha TL

Ilustrasaun atividade peska iha tasi. Foto, Internete.

Flash News
Typography

Díli-SMI, Asian Development Bank – ADB liuhosi parseiru dezenvolvimentu hanesan World Fish hodi apoiu orsamentu ho montante trezentus mill dollar ($.300.000, 00)  ba Governu hodi dezenvolve seitor peska iha rai-laran.

Country Director ADB iha Timor-Leste , Paulo Spantigati, afirma, polítika ADB  hodi apoiu dezenvolve seitor peska, tanba nasaun Timor-Leste iha potensialidade ne’ebé bele fó vantajen ekonómia iha futuru.

"Apoiu ne’ebé ADB fó mak finanseiru ho montante mais ou menus  trezentus mill dolares ($ 300.000) liuhosi hanesan paresiru dezenvolvimentu sira seluk hanesan World Fish atu oinsa dezenvolve planu estratéjiku ne’ebé mak matadalan ba governu hodi dezenvolve setor peska. Haree potensia saida mak nasaun Timor-Leste iha atu dezenvolve hodi fo vantajen ba ekonómia ba nasaun ida ne’e’, dehan Paulo, iha Otél Ramelau, Tersa, (16/10).

Paulo, hatutan, dezde inisiu 2014 ADB hala’o ona asina akordu kooperasaun serbisu hamutuk ho Governu Timor-Leste hodi hadi’a no halo jestaun iha seitor peska liu-liu oinsa bele aumenta produsaun aihan tasi.

Iha biban hanesan, Ministru Agrikultura no Peska, Joaquim Jose Gusmão Dos Reis Martins, agradese ba parseiru dezenvolvimentu hanesan Governu Norwegia  no Governu Nova Zelandia no ADB ne’ebé fó ona apoiu fundu hodi dezenvolve seitor peska iha Timor-Leste.   

"Hau hakarak agradese ita nia parseiru dezenvolvimentu hotu ho esforsu tomak hodi kontríbui ba dezenvolvimentu setor peskas iha Timor-Leste, hau hakarak temi ba governu Norwegia liuhosi sira nia Embaxada iha Jakarta, ba governu Nova Zelandia liuhosi Embaixada iha Timor-Leste, ba Banku Aziátiku ne’ebé mós fó apoiu tomak ba serbisu ida ne’e”, dehan Ministru, Joaquim.

Atúal Governante ne’e promete sei kontinua serbisu hamutuk ho entidade parseiru sira hodi hadi’a no mellora seitor peska tanba nu’udar seitor importante ba dezenvolvimentu ekonómia nasaun iha futuru oin mai.

Embaxador Norwegia ba Timor-Leste, Vegard Kaale, afirma, estadu no povu Norwergia sei kontinua suporta finanseiru hodi hadi’a no dezenvolve seitor peska ne’ebé modernu no sustentavél ba ekonómi Timor-Leste nian. (Editor, Lariwa).

Pin It

Follow us on Twitter

Sign up via our free email subscription service to receive notifications when new information is available.