26
Fri, Apr
0 New Articles

PJR Sei Promove Prokuradór Foun Hamutuk Na’in 10

Prokuradór Jerál Repúblika, Jose da Costa Ximenes, presta deklarasaun ba mídia iha Palásiu Prezidensiál Aitarak-Laran, Dili. Foto, Internete.

Flash News
Typography

Díli-SMI, Tuir planu Prokuradór Jerál Repúblika – PJR sei halo promosaun ba prokuradór foun hamutuk ema na’in 10 ne’ebé kompleta ona tinan 3 hodi promove ba segundu klase nomós sei halo inspesaun ordinária ba Prokurador na’in hat (4) ne’ebé mak priense ona rekezitus atu promove ba primeira klase.

“Iha fim de Setembru no Outobru ita sei halo tan prokuradór na’in 10 ne’ebé kompleta ona tinan 3 sei hetan promosaun ba segunda klase. Sei halo inspesaun ordinária ba Prokurador ema na’in hat (4) ne’ebé mak priense ona rekezitus atu promove ba primeira klase nia”, dehan PJR, Jose da Costa Ximenes, hafoin remata enkontru ho Prezidente-da-Repúblika, iha Palásiu Prezidensiál Aitarak-Laran, Segunda, (28/01).

Jose Ximenes, esplika, durante enkontru ho Xefe-de-Estadu ko’alia mós kona-ba rezultadu retiru anual Konsellu Superiot Ministériu Públiku nia iha tinan 2018 inklui atividade sira seluk ne’ebé relasaun ho serbisu PJR nian.

Nune’e mós, nia hatutan, planu PJR kona-ba mudansa pesoál administrasaun no preparasaun ba kargu sekretáriu sira iha ministériu públiku nian.

Tuir planu Konsellu Superior Ministériu Públiku no Prokuradór Jerál ba tinan 2019 katak primeiru trimestre sei hahú formasaun no preparasaun nomeasaun foun sekretáriu iha Ministériu Públiku nian.

“Ami define planu Konsellu Superior Ministériu Públiku nian, planu Prokuradória Jerál nian ba tinan 2019. Iha planu ne’e, hahú iha primeiru trimestre Janeiru, Fevereiru to’o 31 de Marsu ita sei halo formasaun ou preparasaun ba kargu sekretáriu sira ne’ebé iha Ministériu Públiku, Sekretáriu sira iha Ministériu Públiku nomeasaun interinu deit”, dehan nia.

Jose Ximenes, kontinua esplika, PJR mós sei halo promosaun foun ba kargu eskrivaun ba Diretus nomós adjutu eskrivaun.

Nune’e mós sei rekruta ofisiál justisa hamutuk ema na’in 14 hodi suporta serbisu prokurador foun ne’ebé atu tama. (Editor, Lariwa).

Pin It

Follow us on Twitter

Sign up via our free email subscription service to receive notifications when new information is available.