26
Sun, May
0 New Articles

Konflitu GAM, PN Halo Plenária Urjente

Ilustrasaun asaun konflitu. Foto, Internete.

Flash News
Typography

Díli-SMI, Relasiona ho konflitu entre Grupu Arte Marsial – GAM foin lalais iha teritóriu laran ne’ebé fó impaktu ba seguransa rai-laran, ejize Parlamentu Nasional – PN realiza plenária ho karater urjensia hodi debate kona-ba oinsa buka solusaun ba problema refere.

Presidente Komisaun B PN, Aderito Hugo da Costa, esplika, parte PN realiza plenária ho karakter urjensia bázea ba pedidu partidu opozisaun FRETILIN, relasiona ho asuntu seguransa no defeza iha rai-laran.

“Iha semana liu ba bankda FRETILIN iha pedidu ejize atu halo debate ho Ministériu Seguransa ninia ne’ebé liga ba akontesimentu iha munisipiu inklui kapital Dili, liga ba situasaun atúal ikus ne’ebé akontese ba  perturbasaun ne’ebé ita hotu hatene,hanesan iha Dili, Baucau,Liquica no fatin seluk tan”, dehan Aderito Hugo, ba jornalista sira iha PN, Tersa, (12/02).

Maske nune’e, membru PN hosi partidu CNRT ne’e esplika, plenária urjente ne’e la rezulta rezolusaun ruma maibe rona oinsa planu Governu atu rezolve problema konflitu entre GAM ne’e.

Hosi rezultadu plenária refere, parte Governu trasa ona planu atu kordena ho instituisaun polisial no defeza hodi harii ekipa konjuta hodi buka solusaun ba problema GAM iha rai-laran.

Parte seluk, iha loron segunda, (11/02) membru PN, Antonio da Conceição,  la konkorda atu reativa fila fali atividade Grupu Arte Marsial – GAM wainhira Governu rasik seidauk hatene loloos ejistensia GAM refere hodi kontribui ba paz no estabilidade ka lae.

“Se hau mak iha Governu hau propoin para taka. Tamba loke tenki klaru, vizaun saida misaun saida para depois bele minimiza problema sira seluk la’os bandu, bandu ho sentidu diak hatene orientasaun bele loke fali”, dehan Conceição.

Prezidente bankada Partidu Demokratiku – PD ne’e husu ba Governu atu define didiak GAM sira atu nune’e labele hamosu konfuzaun iha públiku kona-ba ejistensia GAM ne’e rasik.

Tuir lider partidu opozisaun ne’e katak realidade GAM konsidera hanesan grupu ne’ebé ejiste atu sai rivalidade ba malu maibe ejistensia arte ritual atu fó solusaun ba problema ruma ne’ebé akontese.

Eis Governante VII Governu ne’e esplika, nasaun ne’e presiza iha paz no estabilidade la’os mosu instabilidade relasiona ho konflitu entre GAM iha rai-laran.

Maske nune’e, foin lalais ne’e, Prezidente-da-Repúblika, Francisco Guterres Lú Olo, fó sai esteitementu konkorda atu reativa fila fali atividade GAM.

Nune’e mós parte sosiadade sivil hanesan Asian Justice Right – AJAR, Fundasaun Mahein – FM no Luta Hamutuk konkorda ho Xefe-de-Estadu atu Governu reativa fali atividade GAM tanba fasil atu kontrola.(Editor, Lariwa).

fShare
1
Pin It

Follow us on Twitter

Sign up via our free email subscription service to receive notifications when new information is available.