24
Sun, Mar
2 New Articles

OJE 2019, MOP Tau Orsan 10 Milloens Ba Infra-estrutura

Ministru Obras Públika, Salvador Pires. Foto, Internete.

Flash News
Typography

Díli-SMI, Governu liuhosi Ministériu Obras Públika – MOP tau orsan ho montante hamutuk $.10 Milloens hosi totál Orasmentu Jerál Estadu – OJE 2019 ba dezenvolimentu infra-estrutura iha rai-laran.

Ministru Obras Públika, Salvador Pires, hateten, hosi totál alokasaun orsamentu ne’e ba tinan tolu oin mai ne’ebé sei kobre  ba estrada, planeamentu urbanu nomós ba bee-moos no saneamentu.

“Planu 2019 ita iha Orsamentu Jerál Estadu 2019 ita tau osan 10 milloens para dezenvolve, planu atu implementa iha 2020, 2021 no 2022 ba oin, 10 milloens ami tau para halo planu ba seitor eletrisidade, ba estrada, planeamentu urbanu, no mos bee  mos saneamentu”, dehan MOP, Salvador, hafoin remata reuniaun estra-orináriu iha Palasiu Governu, Tersa, (12/02), semana kotuk.

Salvador, esklarese, hosi orsamentu 10 milloens ne’e mós sei uza ba dezeñu kona-ba establesementu eletrisidade ba suku sira iha teritóriu laran.

Nia esplika, dadaun ne’e hahu ona implementa planu ka dezeñu 2020 kona-ba establesementu eletrisidade iha area rural. Maizumenus populasaun hamutuk 83% mak hetan ona asesu ba eletrisidade  no hela 17% mak seidauk hetan asesu eletrisidade.

“10 milloens ami bele foti osan ba eletrisidade hodi estabelese nia dezeñu, dezeñu iha 2020 ita komesa implementa liu-liu ba suku sira por volta 17% tamba ita asesu ona tuir nia dadus ita nia populasaun sira pro volta 83% asesu ona eletrisidade, 17% seidauk ita halo planu para 2020 ita implementa”, tenik Salvador.

Governante ne’e mós esplika, atu implementa projetu refere MOP sei loke prosesu tender ne’ebé nakloke ba kompañia sira atu tuir no laiha ona ajudikasaun direta ba kompañia.

 “La’os hanesan uluk programa eletrifikasaun direita halo ezekuzaun direta ne’e para ona, revogadu tiha ona ho Dekretu Númeru 42/2017,  ita la halo ona ajudikasaun direta ba kompañia sira, agora so halo preparasaun planeamentu tender hetan manan na’in ita komesa halo implementasaun fizika”, dehan nia. (Editor, Lariwa).

fShare
12
Pin It

Follow us on Twitter

Sign up via our free email subscription service to receive notifications when new information is available.