19
Sat, Oct
0 New Articles

Asegura Fronteira Maritima Governu Sei Instala ANM

Ró patrollamentu Naval F-FDTL. Foto, Internete.

Flash News
Typography

Díli-SMI, VIII Governu liuhosi Ministériu Defeza deside ona atu harii Autoridade Nasional Maritima – ANM iha tinan 2019 ho objetivu atu asegura rekursu iha tasi timor no fronteira maritima nian liuhosi serbisu konjunta parte polísia no militar.

“Iha tinan ne’e iha ona, hatama ona osan komesa instala eskritoriu sei tau iha ministériu defeza, entaun iha ne’eba hotu mak komesa dezenvolve autoridade maritima ne’e nia halai ba saida, em primeiru lugar ita kaer ba prinsipiu rasionalizasaun, prinsipiu komplementaridade, prinsipiu subsidiaridade, ne’e katak sa, Polisia ho F-FDTL mosu mai entrozadu, serbisu hamutuk iha tasi”, dehan Ministru Defeza, Filomeno Paixão, iha Palasiu Prezidensial Aitarak-Laran, Tersa, (12/03) hafoin hasoru malu ho Prezidente-da-Repúblika, Francisco Guterres Lú Olo.

Filomeno Paixão, klárifika, sistema ka autoridade nasional maritima sei instala iha Ministériu Defeza, maibe serbisu operasional sei involve mós ministériu no instituisaun relevante seluk ne’ebé iha relasaun ho seguransa no maritima nian.

“Sistema autoridade maritima ne’e tenki iha ministeriu Defeza nia okos, sistema autoridade maritima ne’e nia involve PNTL, involve Finansas, bele mos einvolve Saude, bele involve mos Obras Publiku, bele involve ministeriu sira ne’ebe iha relasaun ho tasi, iha ministeriu agrikultura no peska ne’e sei iha hotu.

Tuir atúal Ministru Interior Interinu ne’e, instituisaun autoridade nasional maritima ne’e sei lidera hosi militar ho diviza Brigadeiro hodi komandu serbisu operasional entre liña ministerial hodi asegura segurasa iha tasi timor.

“Autoridade maritima ne’e mak boot,  ne’e ida komandante sistema maritima ne’e mak dehan autoridade maritima, ida ne’e sei militar ida, tau brigadeiru ida ou komador ida”, eis Sgundu Komandante F-FDTL ne’e.

Kestaun fasilidade no ekipamentu hodi apoiu serbisu ANM,  atúal Ministru Defeza ne’e garante ró patrollamentu hosi instituisaun polisial no militar bele fó seguransa ho masimu iha tasi timor.

Nia hatutan, parte Governu Australia mós sei fó apoiu ró patrollamentu rua ba Governu Timor-Leste hodi fasilita patrollamentu polisia no militar iha tasi timor.

“Ró mak hau dehan bebeik ona Australia sei fó patrolia rua, ita nian iha patrolla kosteira Neen, F-FDTL iha Tolu , PNTL mós iha Tolu, patrolia neen barak ona”, dehan nia.

Durante ne’e, sosiadade sivil hanesan Fundasaun Mahein – FM ne’ebé halo monitorizasaun ba asuntu defeza no seguransa husu bebeik Governu atu establese lalais ANM hodi nune’e fó seguransa riku-soin iha tasi timor. (Editor, Lariwa).

 

 

 

 

 

 

 
Pin It

Follow us on Twitter

Sign up via our free email subscription service to receive notifications when new information is available.