Díli-SMI, Governu liuhosi Ministériu Obras Públikas – MOP sei halo pagamentu ba kompañia sira ne’ebé hetan kontratu hodi ezukuta projetu infra-estrutura ne’ebé tuir rezultadu inspensaun hosi Ajensia Dezenvolimentu Nasionál – ADN hodi garante kualidade projetu refere.
Vise MOP, Nicolau Lino Freitas Belo, esplika, dadaun ne’e iha projetu hamutuk 142 no projetu ne’ebé hetan ona kontratu hosi kompañia hamutuk 95 ne’ebé dadaun iha ona faze inspesaun hosi parte Komisaun Inkeritu Parlamentu Nasionál nian.
“Projetu 142 ida ne’e iha 95 mak iha ona kontratu,iha 46 seidauk iha kontratu, hosi parte PN iha ona ekipa ida hanaran komisaun inkerito de parlamentar oras ne’e dau-daun sira halo hela fiskalizasaun iha terenu atu identifika razaun saida, baze legál saida mak ita nia kontraktor sira implementa obra ida ne’e”, dehan Nicolau Freitas, ba jornalista sira iha Palásiu Governu, Kuarta, (10/04).
Governante ne’e esplika, projetu hamutuk 142 ne’e bázea ba pedidu ka desizaun Konsellu Administrasaun Fundu Infra-estrutura – KAFI ne’ebé lidera hosi Ministériu Planeamentu Investimentu Estratéjiku, Ministériu Finansa no Ministériu Transporte no Telekomunikasaun Sosiál.
“Hanesan uluk ha’u hatete projetu 142 ida ne desizaun mai hosi KAFI, Konsellu Admistrasaun Fundus Infra-estrutura hosi konsellu ida ne’e mak lidera hosi Ministériu Planeamentu Investimentu Estratéjiku, Finansas nune’e mós obras publikas, maibe agora dau-daun ita iha ona liña ministériu foun maka Ministériu Transporte Telekomunikasaun’, dehan nia.
Relasiona ho kestaun projetu 142 refere, iha tinan kotuk, membru Parlamentu Nasional – PN hosi bankada opozisaun hosi Partidu Demokratiku - PD, Adriano do Nascimento, la konkorda Governu selu latama iha planeamentu Orsamentu Jerál Estadu – OJE 2018 nian.
Tuir observasaun SMI hatudu katak projetu infra-estrutura hamutuk 142 ne’e kontinua sai polímika iha PN no sosiadade iha Timor-Leste. (Editor, Lariwa).
