Díli-SMI, Tuir rezultadu monitorizasaun Conselho de Imprensa de Timor-Leste – CI-TL hahu hosi fulan Janeiru to’o Marsu 2019 identifika katak mídia nasional kontinua halo infrasaun ba Kódigu Étika Jornlístiku - KEJ iha publikasaun prodútu jornalístiku nian.
Rezultadu monitorizasaun ne’ebé aprezenta iha kólokiu nasional ho jornalista sira iha Salaun Asosiasaun HAK, iha Tersa, (30/07) hatudu maizumenus orgaun ka meiu komunikasaun sosiál 6 mak kontinua halo infrasaun ba KEJ iha publikasaun notisiariu hosi fulan janeiru to’o marsu 2019.
Iha aprezentasaun, Diretúr Dirasaun Dezenvolvimentu no Analize Mídia – DDAM, Alberico da Costa Junior, esplika, hosi rezultadu monitorizasaun ne’e fó sai ona karta samada ba mídia neen (30) mak hanesan RTTL, GMN, Independente, Timor Post, Dili Post no Tempo Timor.
Bázea ba infrasaun CI hasai karta samada dala 10 ba RTTL, GMN dala 6, Independente dala 3, Dili Post Dala 1 no Tempo Timor dala 1. Razaun hosi karta samada ne’e atu bele fó hanoin ba jornalista no kanál mídia sira atu bele hakerek diak liu tan notisia iha futuru.
“Karta samada ne’e nu’udar meu ida atu ajuda fasilita jornalista no kanál mídia sira atu hadi’ak sira nia produtu jornalístiku hodi evita konsekuensia legál no ameas sira seluk iha futuru”, dehan Alberico.
|
Instituisaun/ Orgaun Komos |
Atribuisaun Karta Samada |
|
RTTL (TVTL) |
10 |
|
GMN |
6 |
|
Independente |
3 |
|
Timor Post |
3 |
|
Dili Post |
1 |
|
Tempo Timor |
1 |
Tabela 1: Rezultadu monitorizasaun CI 2019
Iha parte seluk, CI mós aprezenta kona-ba publikasaun mídia ba infrasaun étika durante tinan tolu (3) hahu tinan 2016 to’o 2019. Hosi rezultadu monitorizasaun CI nian katak infrasaun étika as liu iha tinan 2018 kompara ho tinan 2016, 2017 no 2019.
|
Tinan |
Totál |
|
2016 |
16 |
|
2017 |
20 |
|
2018 |
30 |
|
|
|
|
2019 (Jan – Marsu) |
11 |
Tabela 2: Rezultadu monitorizasaun CI 2019
Tuir observasaun SMI, kólokiu nasional ne’e hetan pastipa hosi jornalista hosi kanál mídia eskrita, elektrónika no online. (Editor, Lariwa).