06
Sat, Jun
9 New Articles

Estudante Na’in 4 Tama Ilegál iha Fronteira Seidauk Teste COVID-19 iha Atambua

Estudante na’in 4 ne’ebé hetan kaptura hosi UPF iha liña Fronteira. Foto, Konsul Zito.

Flash News
Typography

Atambua-SMI: Estudante timoroan hamutuk na’in 4 ne’ebé hetan kapturasaun hosi Unidade Polísia Fronteira – UPF orseik lorokraik wainhira tenta tama Timor-Leste - TL liu-hosi dalan-ilegál seidauk tuir teste médiku kona-ba Virus Corona ka COVID-19 iha Óspital Atambua.

“Foin Ha’u hatene ikus katak sira seidauk halo teste (COVID-19) médiku sira haruka fila de’it”, dehan, Konsul TL ba Kupang, Jesuíno dos Reis Matos “Zito”, ba SMI, Kuarta, (15/04) liu-hosi via-Facebook.

Tuir kronolójia katak estudante timoroan na’in 4 ne’ebé kompostu hosi feto ida no mane tolu ne’e semo hosi illa Jawa mai tun iha aeroportu Atambua oras meudia nian.

Durante estudante sira ne’e iha aeroportu Atambua laiha transporte públiku ne’ebé mak hakarak tula sira ne’ebé ikus-mai ajente konsular hetan informasaun hodi kontaktu ba dirasaun Gugus COVID-19 Atambua hodi transporta ba Óspital Nasional Atambua nian.

“Sira (estudante-red) to’o mai orseik meudia hosi Jawa. Iha aeroportu Atambua laiha transporte ida mak hakarak tula sira, entaun ajente konsular Atambua hetan info pois tanba ema lakohi tula entaun kontaktu ba gugus Covid-19 Atambua hodi ambulansia ba tula sira direta ba Óspital Atambua”, dehan Zito.

Tuir Konsul Zito, ajente Konsular iha Atambua prepara ona fatin iha Konsuladu nian hodi fasilita estudante timoroan na’in 4 maibe parte lorokraik familia hosi estudante sir aba foti sai hosi konsuladu ne’ebé ikus-mai hetan kapturasaun iha liña fronteira.

“Ajente Konsular Atambua prepara fatin ba sira tau iha kantor, sira tama tiha to’o lorokraik iha familia balun dehan sira nia maluk mak ba foti sira sem iha kuiñesementu hosi ajente konsular, liu oras hirak nia laran rona fali Komandante UPF informa katak kaer sira iha sorin”, dehan Jesuíno.

Nia hatutan, durante ne’e parte konsuladu kolabora ho Embasada TL iha Jakarta hodi fó sai ona avizu ba estudante sira atu hela hakamatek maibe dala-barak sira buka razaun oi-oin atu fila ba Timor-Leste. (Editór, Rui Santos).

Pin It

Follow us on Twitter

Sign up via our free email subscription service to receive notifications when new information is available.