Lautém-SMI: Servisu Dirasaun Nasional Transporte no Terestre – DNTT munisípiu Lautém dezde ukun-an to’o ohin loron kontinua hala’o serbisu iha edifísiu ne’ebé kondisaun at maske kada tinan sempre kontribui mós reseitas ba kofre estadu.
“Hamata Ona Resesita ba Kofre Estadu hamutuk $17.5250, DNTT Munisipiu lautem nafatin hatama reseitas ba estadu, maibe planu ne’ebé mak DNTT hato’o dala-barak ona ba diresaun nasional hodi hari’i edifisu to’o agora seidauk iha resposta”, dehan, Xefe DNTT munisípiu Lautém, Edi Correia Lemos, iha Serbisu fatin Laulara, Lospalos Villa, Kuarta, (15/07).
Xefe DNTT munisípiu Lautém, Edi Correia Lemos, esplika, edifísiu DNTT atúal iha kondisaun ne’ebé at tebes no laiha espasu ba funsionáriu sira atu serbisu ho diak hodi atende komunidade ne’ebé trata dokumentu inklui asegura dokumentu instituisaun nian.
“Dadaun ne’e (funsionáriu) sira preokupa kona-ba kondisaun edifísiu nian tanba grave loos ona no la-fó espasu ba funsionáriu sira ne’ebé hala’o sira iha ne’eba. Tanba edifísiu klot nune’e susar ba funsionáriu sira atu atende klientes sira ne’ebé mak mai trata sira nia dokumentus”, dehan Edi Lemos.
Maske ho kondisaun edifísiu ne’ebé la favoravél ba funsionáriu sira atu halo serbisu maibe kontinua ho korajen hodi serbi komunidade ho profísional.
“Nafatin hala’o servisu nafatin nu’udar funsionariu maske ho kondisaun minimu, maibe planu sira tenta nafatin oinsa governu sentral bele planu hodi estabese edifísiu permanente nuen’e bele hala’o atividades diak liu tan”, katak, Xefe DNTT ne’e.
Nia informa, antes ne’e parte DNTT munisípiu Lautém halo ona planu no estimasaun orsamentu ba establesementu edifísiu foun no entrega on aba Governu sentral maibe to’o ohin loron seidauk iha resposta.
“Atu hari’i foun edifisu DNTT ne’e presiza finanseiru ho montante hamutuk $180 mil dollares, maibe desizaun ho planu hirak ne’e iha hotu governu sentral, Planu ne’e haruka bebeik ba dirisaun nasional, maibe to’o agora seidauk iha resposta, nune’e husu ba governu sentral atu tau iha planu”, tenik nia. (Editór, Rui Santos).
