23
Fri, Oct
3 New Articles

Menus fasilidade Eskola, ESPG Suai Empresta Aula ECB Ladi

Estudante sira hosi Eskola Sekundária Públiku Gerál Suai iha sira nia eskola oin. Foto, Chamot.

Flash News

Covalima-SMI: Relasiona ho menus fasilidade iha Eskola Sekundária Jerál Públiku - (ESGP sigla portugues) Suai Vila hodi fasilita estudante sira simu matéria, ikus-mai tenke  empresta aula hosi eskola seluk hodi uza ba prosesu aprendizajen.

Diretúr ESPG-Suai, Francelino Freitas Carvalho, hateten, durante ne’e sira empresta sala Eskola Báziku Sentral – (EBC sigla portugues) hamutuk 16 hodi fasilita estudante sira hamutuk atus hitu resin (700-liu) hodin tuir prosesu aprendizajen.

“Dadaun ne’e, ami empresta hela sala 16 hosi EBC-Ladi, tan ami laiha sala ne’ebé sufisiente atu tau hamutuk estudantes iha ami nia sala de aula 19 n’ebé mak ami iha Agora. Tan-ne’e, ami iha estudante hamutuk atus hitu resin mak agora dadaun ne’e uza hela sala 16 hosi eskola EBC-ladi hodi hala’o prosesu aprendizagem iha ne’eba”, dehan.  Diretúr ESPG – Suai, ba SMI, liu-hosi telefone foin lalais ne’e.

Durante ne’e, ESPG-Suai la’os de’it hetan problema kona-ba menus sala-aula ba aprendizajen maibe mós hetan difikuldade iha ekipamentu sira hanesan livru no fasilidade prátika laboratóriu nian.

"Buat barak mk Ami sei menus iha ami nia eskola ,hahú hosi sala de Aula no livrus manuais sira Liu-liu ba siénsia prátika hanesan ekipamentus prátika iha ami nia sala laboratórium", katak, Francelino.

Ho nune’e, liu-hosi dirasaun eskola nian hato’o ona pedidu ba parte Ministériu Edukasaun Joventude no Disportu – MEJD hodi bele apoiu livru no fasilidade seluk maibe to’o ohin loron laiha resposta.

"Ami menus livru manuais hanesan,Matematika, Biologia, Quimika ne’e kuaze laiha ona.  Livru hirak ne’e laiha (dezde) hosi Diretúr Anterior nia tempu la’os foin agora mak laiha." Iha tinan 2018 ha’u rasik rekomenda ona proposta ba MEJD liu-hosi DJ Sr. Antonino Pires, maibe ate  data laiha resposta”, tenik nia.

Durante ne’e, eskola refere hetan ona apoiu livru siénsia sosiál hosi parte MEJD maibe laiha livru siénsia natural nian.

Totál estudante ne’ebé dadaun eskola iha ESPG-Suai hamutuk ema na’in rihun rua atus ida rua nolu resin tolu  (2123) ho sala eskola hamutuk 19 de’it. (Editór, Caleri Alves).

Pin It

Follow us on Twitter

Sign up via our free email subscription service to receive notifications when new information is available.