26
Thu, Nov
2 New Articles

Jornalista 22 Hosi Mídia ONLINE Tuir Formasaun Jornalizmu Kompriénsivu

Jornalista 22 hosi mídia online sira tuir seremónia lansamentu progarama formasaun jornalizmu kompriénsivu 2020 iha salaun CI. Foto, Mídia CI.

Flash News

Díli-SMI: Jornalista hamutuk ema na’in 22 hosi mídia ONLINE sira ne’ebé ejizte iha rai-laran sei tuir formasaun jornalizmu kompriénsiavu durante fulan ida ne’ebé organiza hosi Conselho de Imprensa – CI no ajénsia Programa Nasoens Unidas ba Dezenvolvimentu – PNUD/UNDP

Prezidente CI, Virgílio da Silva Guterres, husu agradese wa’in ba PNUD ne’ebé durante tinan 4 ona serbisu hamutuk hodi fasilita formasaun ba jornalista timoroan iha rai-laran.

Virgílio da Silva, konsidera programa koperasaun entre CI no PNUD kona-ba formasaun jornalizmu kompriénsivu ne’e importante tebes tanba bele hasa’e kuiñesementu jonalista sira iha area jornalizmu nian.   

“Conselho de Imprensa haksolok no kontinua hato’o ami nia apresiasaun ne’ebé kle’an tebes ba UNDP atu inisia fali hamutuk ho CI ba program aida ne’e,” dehan, Prezidente CI, Virgílio Guterres, iha seremónia lansamentu progarama formasaun jornalizmu kompriénsivu ba dahat, iha salaun konferénsia CI, Kinta, (29/10).

Iha biban hanesan, Ministru ba Asuntu Parlamentar no Komunikasaun Sosiál – MAPKOMS, Francisco Martins da Costa Pereira Jerónimo,  fó mós agradesementu ba CI no UNDP ne’ebé kria koperasaun di’ak tebes hodi prepara rekursu umanu liu-hosi formasaun sira.

Governante ne’e mós promete sei kontinua defende no garante liberdade imprensa no liberdade espresaun iha nasaun foun ida-ne’e.

“Polítika Governu kaer nafatin ba lei komunikasaun sosiál katak garante liberdade imprensa, Liberdade espresaun no asesu ba informasaun, governu nafatin garante ida ne’e,” dehan Francisco.   

Adjuntu ba Reprezentante Residensia UNDP iha Timor-Leste, Lazima Bhatta, durante ne’e parte UNDP apoiu ona formasaun oi-oin ba jornalista sira no promete kontinua iha komitmentu atu fasilita formasaun ba jornalista sira iha futuru.   

Durante ne’e, liu-hosi koperasaun CI no UNDP realiza ona formasaun jornalizmu kompriénsivu datoluk ba jornalista mídia nasionál sira inklui rádiu komunidade no estudante komunikasaun sosiál UNTL no UNITAL ho total partisipante ba formasaun hamutuk 158, feto 60 no mane hamutuk 98.

Ba formasaun ba etapa dahat ne’e sei realiza durante fulan ida ne’ebé semana primeiru haú hosi  loron 09-13 Novembru 2020  iha munisípiu Bobonaro. Partisipante sira hamutuk  ema na’in 22 hosi mídia ONLINE sira.

Materia ka modul ne’ebé sei uza durante formasaun fulan ida mak haesan étika jornalízmu,oinsá dezenvolve istória, téknika entrevista, ortografia lian tetun, gender sensitive reporting, digital security, foto journalism, video journalism, planu (TOR) kobertura, jornalízmu rádiu no seluk-tan. (Editór, Francisca Soares).

Pin It

Follow us on Twitter

Sign up via our free email subscription service to receive notifications when new information is available.