04
Sat, Dec
0 New Articles

Eis Milítar Portugues Husu Rekuñesementu Hosi Estadu

Eis tropa sira iha tempu Portugez nia hala’o konferénsia imprensa iha Edifisiu Veteranu Taibesi. Foto, Ze Amaral.

Flash News

Díli-SMI: Eis milítar (tropa) Portugues iha ne’ebé  nakfilak sai FALINTIL iha tinan 1975 hodi luta ba libertasaun nasional husu ba Governu no Estadu Timor-Leste atu fó rekuiñesementu ba sira nia kontribuisaun ba ukun rasik-an.

Porta voz, Rafael Afonso Cabral, ho kódigu “Laloran”, afirma, legálmente organizasaun eis tropa Portugues sei ativu dezde 1975 to’o ohin loron maibe Estadu seidauk ka nunka hanoin hetan atu halo dezmobilizasaun hodi fó rekuiñesementu ba sira.

"Legálmente ami Eis tropas ne'ebé mak nakfila an ba FALINTIL, Sei ativu hela dezde dia 20 de Agusto 1975 to'o ohin loron Estadu Timor-Leste sedauk hanoin hetan fó dezmobilizasaun hodi fó rekuiñesimentu no valoriza ba ami, nu'udar fundador das FALINTIL”, dehan, Afonso Cabral, liu-hosi konferénsia imprensa, iha Sede Veteranu Taibesi, foin lalais ne’e.

Eis milítar Portuges ne’ebé ho kódigu “Laloran” ne’e sente triste ho líder no ukun-na’in nasaun nian ne’ebé la-sensivél hodi fó rekuiñesementu ka valoriza sira nia kontribuisaun ba libertasaun nasionál.

"Triste boot ba Estadu Timor-Leste nunka buka hatene no lakohi duni buka hatene se mak autor ou na’in ba loron istóriku hirak ne'e”, dehan, Afonso.

Leopoldo Pinto, nu’udar eis milítar Portugues ida ne’ebé mós involve direta hodi nakfilak ba FALINTIL sente la-mentavel ho ukun-na’in sira ne’ebé nunka tau konsiderasaun ba eis milítar Portugues nia kontribuisaun ba independensia nasionál.

Tuir nia, tinan 40 liu ona maibe Estadu TL haluha tiha eis tropa Portugues ne’ebé mós hola parte direta iha funu hasoru invazor durante okupasaun Indonéziu nian iha rai-laran.

"Dezde 20 de Agusto de 1975 to mai agora 45 Anos, mais Estadu nunka interese no tau atensaun hodi rekuiñese nu'udar fundadores no Libertadores FALINTIL”, tenik nia. (Editór, Caleri Alves).

Pin It

Follow us on Twitter

Sign up via our free email subscription service to receive notifications when new information is available.