04
Sat, Dec
0 New Articles

Sentru Formasaun La-Sufisiente, PM Taur Bolu SEFOPE

SEFOPE, Alarico do Rosário. Foto, Internete.

Flash News

Díli-SMI: Kestaun Sentru sira ne’ebé Governu prepara hodi fasilita formasaun ba timoroan sira ne’ebé seidauk sufisiente ho fasilidade no ekipamentu avasandu hodi hametin kualidade, Primeiru Ministru, Taur Matan Ruak, bolu Sekretáriu Estadu Formasaun Profisionál no Empregu – SEFOPE hodi esklarese difikuldade hirak ne’e.

“Primeiru-Ministru bolu ami mai ligasaun ba serbisu SEFOPE nian, ami ko’alia asuntu lubuk ida, ida mak sentru exelente ne’ebé mak atu hamriik iha Timor-Leste. Xefe Governu hakarak harii Sentru Formasaun Integradu Exelente ida atu prepara timoroan sira ba merkadu traballu ho mais kualifikadu”, dehan, SEFOPE, Alarico do Rosário, iha Palásiu Governu, Tersa, (09/02).

Razaun líder VIII Governu konstitusional ne’ebé bolu SEFOPE ne’e atu aslera lalais planu estabelesementu Sentru Formasaun Integradu Exelente iha area Metinaro hodi subtitui sentru antigu sira hanesan sentru Tibar no Bekora.

“Ami ko’alia asuntu lubuk ida, ida mak (estabelesementu) Sentru Exelente nia progresu to’o iha ne’ebé/ ne’e mak Sua-Exelénsia husu, ami mos esplika katak Sentru Exelente ne’e, rai hetan ona, iha Metinaru”, dehan Alarico.

VIII Governu ninia planu rasik importante tebes atu harii tan Sentru Formasaun Integradu Exelénte tanba sentru rua hanesan Tibar no Bekora la-sufisiente atu bele absorve mão de obra durante ne’e.

Planu estabelesmentu sentru exelénte ne’e dezde tinan 2020 maibe relasiona Orsamentu Jeral Estadu ne’ebé hetan sumba iha Parlamentu Nasionál – PN prejudika ba implementasaun polítika refere.

Liu-liu OJE 2020 parte SEFOPE preve ona orsamentu ba faze dahuluk kona-ba dezeñu no estudu viabilidade kona-ba estabelesementu sentru exelénte refere. (Editór, Francisca Soares).

Pin It

Follow us on Twitter

Sign up via our free email subscription service to receive notifications when new information is available.