04
Sat, Dec
0 New Articles

Governu Husu Australia Harii Uma 1000 Ba Vitíma Inundasaun

Komunidade nia uma iha area Bekora hetan estragus tanba hetan impaktu hosi inundasaun. Foto, Internete.

Flash News

Díli-SMI: Esforsu hosi Governu atu bele rekopera fila fali komunidade iha kapitál Díli ne’ebé hetan impaktu hosi inundasaun foin lalais ne’e, liu-hosi serbisu bilateral Governu husu ba Australia atu harii uma hamutuk rihun ida (1000) ba famíla sira ne’ebé uma hetan estragus.

Governu husu ona tulun ba Austrália atu apoiu konstrui uma temporáriu prefabrikadu rihun 1 para fasilita atu realoka família sira ne’ebé uma hetan estragus total iha loron 4 fulan-abril liuba, liuliu iha Tasi Tolu, sira ne’ebé okupa mota laran, no rai lolon sira hodi ba hela provizóriu”, dehan, PM, Taur Matan Ruak, iha palásiu Governu, Sesta, (16/04).

Líder VIII Governu konstitusional ne’e mós kontinua husu ba Xina atu harii uma família afeitadu sira hodi nune’e bele rekopera lalais hosi impaktu inundasaun iha loron 04 fulan Abril foin lalais ne’e.

“(Governu) husu mós apoiu Xina ba planu rekuperasaun nian, no partikularmente husu Xina nia apoiu ba uma temporariu ba família afetadu sira ne’ebé uma lakon durante kalamidade liubá ne’e”, dehan, Eis, Prezidente Repúblika ba toluk ne’e.  

Pedidu Governu Timor-Leste kona-ba rekoperasaun ba vitíma inundasaun ne’e hetan sinal pozitivu hosi parte Xina.

“Ha’u konsidera no a nota hela, hodi hatutan, Xina iha komitmentu boot hodi kontinua serbisu hamutuk ho Governu Timor-Leste no fó apoiu nafatin”, dehan, Embaxadór Xina iha Timor-Leste, Xiao Jiangou, hafoin hasoru malu ho Xefe Governu iha sesta foin lalais ne’e.

Embaxadór, Xiao Jiangou, mós esplika kona-ba resposta Xina relasiona ho pedidu VIII Governu atu tulun vasina ne’ebé produz hosi nasaun Xina.

“Kona-ba karta Primeiru-Ministru Timor-Leste nian ba nia ómologu Xines, iha ona sinal pozitivu, iha ne’ebé Xina mós prontu atu oferese vasina ne’ebé produz iha Xina ba Governu Dili, no garante vasina Xina nian ne’e seguru ne’ebé kuaze uja ona ba nasaun barak, inklui País viziñu Indonézia”, katak, Xiao.

Tuir dadus prelimanáriu ne’ebé ekipa tarefa Governu verifika no rekoilla ona iha teritóriu laran hosi impaktu inundasaun iha loron 04 Fevereiru 2021 hatudu katak totál infra-estrutura hamutuk millaun $225 mak hetan estragus. (Editór, Caleri).

Pin It

Follow us on Twitter

Sign up via our free email subscription service to receive notifications when new information is available.