18
Tue, May
3 New Articles

Asesor PN Pozitivu COVID-19, Obriga PPN Hala’o “Test Swab” Daruak

Prezidente PN, Aniceto Guterres Lopes, hala’o hela test swab ba daruak hosi médiku iha sala konfrensia PN, Kuarta, (28/04). Foto, Mídia PN.

Flash News

Díli-SMI: Prezidente Parlamentu Nasionál – PPN, Aniceto Guterres Lopes, urjentemente hala’o fila fali “Test Swab” ba daruak tanba deskonfia asesor ida iha bankada parlamentar balun iha uma-fukun identifika pozitivu COVID-19.

Maske nune’e, informasaun ne’ebé públika iha pajina ofisiál Parlamentu Nasionál la-esplika klaru asesor refere ne’e feto ka mane, no fó asesoria iha bankada parlamentar hodi partidu polítku ida ne’ebé nian.

“Prezidente Parlamentu Nasionál, Aniceto Longuinhos Guterres Lopes, (halo) Test Swab (daruak) ne’e halo relasiona ho asesor ida iha bankada parlamentar balun ne’ebe deskonfia pozitivu COVID-19”, dehan, komunikadu ne’ebé SMI asesu iha pajina ofisiál PN, Kinta, (29/04).

Relasiona ho asuntu asesor bankada parlamentar balun ne’ebé deskonfia pozitivu COVID-19 mak resposavél gabinete PPN nian foti medida hodi hala’o test swab ba ema númeru um iha PN refere.

Test Swab ne’e la’os de’it ba PPN, Aniceto Guterres maibe mós ba funsionáriu sira iha gabinete inklui pesoál seguransa sira.

"(Test Swab) ho nia funsionáriu sira gabinete prezidente nian inklui pesoal seguransa sira, iha loron 28 fulan abril tinan 2021, halo Test Swab daruak iha sala konferénsia Parlamentu Nasionál”, esplika komunikadu refere.

Hafoin hala’o Test Swab Prezidente PN, Aniceto Guterres kontinua hala’o atividade formal no lidera meza plenaria hodi diskute kona-ba estensaun Estadu Emerjénsia – EE ba dala 13 ne’ebé Prezidente Repúblika husu ba PN atu halo aprovasaun.

Tuir dadus atúal númeru kazu komulativu pozitivu COVID-19 iha teritóriu laran ho totál hamutuk 2124 no espesifiku iha kapitál Díli hamutuk 1795 kazu. (Editór, Zé Amaral).

Pin It

Follow us on Twitter

Sign up via our free email subscription service to receive notifications when new information is available.