18
Tue, May
3 New Articles

Durante SerSan, MTKI Estende Distribuisaun “Cesta Básica” Iha Munisípiu 8

Modelu Cesta Básica ne’ebé durante ne’e Governu fahe ba komunidade. Foto, Arkiva SMI.

Flash News

Díli-SMI: Governu liu-hosi Ministériu Turizmu Komérsiu no Industria – MTKI sei kontinua estende programa distribuisaun Cesta Básica durante implementasaun Serka Sanitariu – SerSan iha munisípiu ualu (8) iha territóriu laran hanesan komprimisiu Governu atu rekopera ekonómia komunidade nian.

Desizaun ne’e bazeia ba despasu Governu no Dekretu Lei nú. 24/2021 kona-ba programa prazu distribuisaun Cesta Básica ne’ebé responsabiliza hosi Ministériu Turizmu Komérsiu no Indutria durante ne’e.

“Konsideradu Despacho N.º 02/MCAE/MTCI/MAP/III/2021 ba prorogasaun prazu distribusaaun “CESTA BÁSICA” ne’ebé extende to’o loron 31 Maiu 2021. Tanba ne’e, tuir Decreto-Lei 24/2021 de 28 de abril Alinea 11 ne’ebé fo esesaun no autoriza ba implementasaun programa Cesta Basica, Ministéri Turismo, Komérsiu no Indústria hanesan ajente prinsipal ba implementasaun programa Cesta Basica ho esforsu tomak sei kontinua distribui Programa Cesta Básica”, dehan, Diretúr Jerál Indústria, Carlos Lopes Ximenes, liu-hosi komunikadu ofisiál, Segunda, (03/05).

Munisípiu sira ne’ebé Governu identifika hodi kontinua estende programa distribuisaun Cesta Básica mak munisípiu sira ne’ebé rezolusaun Governu impoin fila fali konfinamentu domisiliáriu jerál no munisípiu sira seluk.  esplika, Carlos Lopes.

“Implementasaun programa Cesta Basica ho esforsu tomak sei kontinua distribui Programa Cesta Básica iha munisípiu Dili, Ermera, no sidade munisípiu Lautem, Bobonaro, Ainaro, Viqueque, Baucau, no Manufahi hodi apoiu komunidade sira nia nesesidade basica no essensial hanesan fos, modo, mina no seluk tan”, esplika, Carlos Lopes.

Razaun Governu hodi kontinua estende programa distribuisaun Cesta Básica ne’e relasiona ho  rezolusaun do Governu N.º 28 /2020 de 19 de Agosto ne’ebé aprova kona-ba Medidas Kurtu Prazu ba mitigasaun impaktu krise ekonómia rezulta hosi pandémia COVID-19 iha ámbitu Planu Rekupersaun Ekonómika nian”, katak nia.

Tuir Diretúr Jerál ne’e, distribuisaun Cesta Básica sei hala’o simultaneamente no tuir orariu ne’ebé define ona iha kalendariu MTKI nian.

Hanesan munisípiu Díli sei konsentra iha suku Becora, Bairo Pite, Comoro, Madohi, Santa Cruz, Mascarenhas, no suco Motael. No, Munisípiu Ermera sei fahe iha Postu Administrativu sira hanesan Hatulia, Letefoho, Atsabe nomos Posto Administrativu Ermera.

Parte munisípiu leste nian, hanesan munisípiu Lautém sei fahe iha suku Fuiloro, iha munisípiu Viqueque iha suku Caraubalo, Bibileo, no suco Uma Ain-Leten no munisípiu Baucau iha suku Triloca no suku Trilolo aldeia Betulale no Lutumuto

Iha parte Norte no Oeste, munisípiu Bobonaro sei fahe iha suku Lahomea no suco Aidabaleten, iha munisípiu Ainaro iha suku Ainaro Vila no Manutaci, no iha munisípiu Manufahi iha suku Holarua no suku Letefoho.

Hosi programa estensaun distribuisaun Cesta Básica ne’e sei fó benefisiu ba komunidade hamutuk rihun atus rua (200.000) hosi rihun atus neen (600,000 rihun 600 resin ne’ebé MTKI responsabiliza. (Editór, Zé Amaral).   

Pin It

Follow us on Twitter

Sign up via our free email subscription service to receive notifications when new information is available.