26
Fri, Apr
0 New Articles

Besik EA, FRETILIN - CNRT Dun Malu Fahe Projetu 148

Komunidade vota iha eleisun parlamentar 2017. Foto, internet

Reportagen Klean
Typography

Dili-SMI, Situasaun polítika iha rai-laran ne’ebé dadaun besik ona Eleisaun Antisipada – EA, partidu boot rua hanesan Fretilin no CNRT politiza no dun malu kona-ba projetu hamutuk 148 ne’ebé laiha evidensia klaru.

Deputadu CNRT Arão Noe de Jesus Amaral konsidera projetu 148 ne’ebé durante ne’e Fretilin kestiona iha PN ne’e laiha evidensia maibe halo deit propaganda falsu iha públiku no polítiza sasan tuir gostu.

Tanba ne’e, Xefe Bankada CNRT ne’e husu ba Fretilin atu lori ba tribunál karik iha evidensia ruma ne’ebé justifika kata los.

“Kona-ba projetu 148 ne’ebé mak bankada Fretilin kestiona bei-beik iha uma fukun parlamentu nasional no halo propaganda politika sira iha evidensia karik halo favor lori ba tribunál. Labele ko’alia deit iha públiku hodi politiza deit sasan, ne’e akuzasaun falsu. dehan Arão Noe ba jornalista SMI bainhira partisipa iha Konferensia Nasionál AMP iha CCD, Kinta (22/02).

Tuir Arão Noe katak akuzasaun Fretilin ne’e laiha báze tanba  projetu hothotu tuir sistema aprovizionamentu no tenderizasaun ne’ebé ho transpransia no akutabilidade.

Antes ne’e Prezidente Bankada Fretilin Francisco Miranda Branco deklara ona katak partidu CNRT uza projetu hamutuk 148 hodi sosa votu durante periodu iha eleisaun jerál 2017.

“Hau hateten ida ne’e tanba iha duni konfirmasaun wainhira tama ona kampaña, iha tinan 2017 Governu fahe projetos obetivu saida, 148 projetos iha tempu ne’ebé tuir lolos labele ona atu hasai desizaun”, dehan Branco iha PN, Kinta, (08/02). https://www.smi-tl.org/notisia/breaking-news/601-branco-cnrt-uza-projetu-148-sosa-votu-iha-2017

Reponde ba deklarasaun Xefe Bankada Fretilin iha momenu ne’eba, deputada CNRT Carmelita Moniz ameasa atu halo keisa formal hasoru Francisco Miranda Branco tanba konsidera halo akuzasaun falsu.

“Tenki hato’o keixa ba Ministériu Públiku tanba ne’e nu’udar frau de eleitorál tanba temi lolos deit CNRT sosa votus”, dehan Carmelita.

Iha parte seluk, Deputadu bankada Fretilin Aurelio Freitas hateten katak deputadu CNRT Arão Noe labele taka falta hodi nega fahe projetu antes mandantu VI Governu remata.(Editor, Lariwa).

Pin It

Follow us on Twitter

Sign up via our free email subscription service to receive notifications when new information is available.