19
Sat, Oct
0 New Articles

Reduz Krime, PN Sadik Governu Kria Empregu 60.000 Kada Tinan

Ilustrasaun asaun konflitu. Foto, Internete.

Flash News
Typography

Díli-SMI, Membru Parlamentu Nasional hosi V lejizlatura sadik Governu labele bosok maibe realiza promesa kona-ba atu kria kampu serbisu rihun nee nolu (60.000) kada tinan ba timoroan hodi bele reduz krime iha rai-laran.

“Governu ida ne’e tenke kumpri nia promesa ida ne’ebé hakarak kria kampu serbisu ba joven sira kada tinan 6000/60000, buka halo took ida ne’e no forma saida mak kria empregu ba jovens sira no bele iha atividade no responsabilidade ba sira nia uma laran”, dehan deputadu opozisaun hosi Partidu Demokrátiku-PD, Antonio da Conçeicão, ba SMI iha PN foin lalais ne’e.  

Tuir deputadu V lejizlatura ne’e, wainhira Governu implementa duni promesa sira atu kria kampu serbisu bele reduz numeru krime relasiona ho konflitu entre joven sira iha rai-laran.

Tanba kampu serbisu ne’ebé menus sai fatór ida hodi joven sira espresa ba aktu vandalizmu no hanoin konflitu liuhosi Grupu Arte Marsial nian.

Tuir loloos konflitu iha rai-laran labele fó sala de’it ba joven sira ne’ebé asosia ho GAM tanba sira laiha atividade seluk ne’ebé bele fasilita sira hodi haluha atu halo konflitu.

“Ita labele fó sala de’it ba ita nia jovens ne’ebé asosia sira ba grupu arte marsiais, no ita tenke haree laiha atividade ida mak konsume sira nia tempu no sira nia tempu hirak ne’e gasta hela de’it, no ida ne’ebé bele halo sira hanoin ba konfitu lalais”, dehan eis Ministru Edukasaun ne’e.

Iha parte seluk, VIII Governu konstitusional promete atu reduz númeru dezempregu iha rai-laran

Diskursu Primeiru Ministru,Taur Matan Ruak, iha PN loron 24 jullu 2018 hatudu komitmentu atu rezolve problema dezempregu iha rai-laran.

Tuir Taur Matan Ruak, Timor-Leste hanesan nasaun foun ne’ebé 50% ninia populasaun ho idade joven presiza hetan formasaun no kapasitasaun atu bele partisipa iha dezenvolvimentu nasaun nian.

Xefe Governu ne’e mós rekuiñese dezempregu buras hodi ejize joventude feto no mane sai ba estranjeiru hodi buka serbisu.

“Ita labele tan kontinua ho situasaun atuál iha ne’ebé oportunidade serbisu nian la iha, dezempregu buras tebes hodi obriga foin-sa’e sira sai ba rai-li’ur (hanesan ba Irlanda Norte, Austrália, Portugál ka Koreia Sul nst.), atu buka kondisaun moris nian ne’ebé di’ak liu”, dehan nia iha fulan 8 liu ba, iha PN.

Maske nune’e, besik ona tinan rua Aliansa Mudansa ba Progresu – AMP Governa maibe seidauk realiza promesa atu fó empregu ba timoroan hamutuk 60.000 kada tinan ne’e (Editor, Lariwa).

Pin It

Follow us on Twitter

Sign up via our free email subscription service to receive notifications when new information is available.