04
Sat, Apr
1 New Articles

Membru sira hosi governu foun hasoru malu hodi prepara inísiu mandatu nian

Flash News
Typography

Formasaun Governu nian sei hakotu iha tempu badak, garanti hosi Primeiru-Ministru, Mari Alkatiri.

Governu Konstitusional dahitu hasoru malu iha loron-tersa ne'e, iha Palásiu Nobre Lahane nian, iha Díli, hafoin simu pose, iha loron-sesta liubá. Iha reuniaun dahuluk Ezekutivu nian, membru sira hosi Governu ko'alia kona-ba kestaun fundamental sira hodi hahú mandatu, liuliu kona-ba Programa Governu nian no Orsamentu Jeral Estadu nian.

Membru na'in 11 hosi Governu ne'ebé marka prezensa iha reuniaun ko'alia kona-ba prioridade sira hosi Programa Governu nian.

Primeiru-Ministru garanti ona katak ne'e sei elabora hodi hanoin iha komponente tolu: kompromisu sira hosi partidu sira ne'ebé halo parte iha koligasaun – Fretilin ho PD –, atividade sira ne'ebé hala'o hela no Planu Estratéjiku Dezenvolvimentu nian.

Defini mós dalan sira hodi elabora Orsamentu Jeral Estadu Retifikativu nian, kordena hosi Ministériu Planu no Finansa nian, ne'ebé sei konklui kedas hafoin finalizasaun hosi formasaun Governu nian.

Membru oioin hosi Governu halo mós pontu situasaun ida kona-ba informasaun ne'ebé hetan iha loron dahuluk sira governasaun nian ne'ebé halo daudaun pasajen pasta sira ba ministru foun sira.

Ministru Estadu no Konselleiru ba Seguransa Nasional, José Ramos-Horta, la partisipa iha reuniaun ne'e tanba halo hela vizita serbisu nian ba Estadus Unidus, hodi reprezenta Prezidente Repúblika iha ONU.

Pin It

Follow us on Twitter

Sign up via our free email subscription service to receive notifications when new information is available.