Dili-SMI, Servisu Tekniku Administrasaun Eleitoral (STAE) no Comissão Nacional de Eleições (CNE) haruka ona delegasaun ba rai liur hodi halo resensiamentu eleitoraál ba Timor oan durante fulan ida tuir kalendariu STAE nian.
Ministru Estatal Valentino Ximenes esplika ba Jornalista sira hafoin remata abertura Salaun Delta Nova, Comoro, kinta (22/02) katak, Nasaun hirak ne’ebé sei halo resensiamentu mak hanesan Irlanda, Portugal, Australia no Korea du Sul.
“Resensiamentu eleitorál ne’e hala’o iha Embaisada no Konsuladu iha estranjeiru, ho objetivu atu bele fó biban ba ita nia maluk sidadaun Timor oan nebe’e servisu iha e ba hodi reativa, atualiza, reatualiza no reajusta atu nune’e bele tuir eleisaun antisipada”, Tenik nia.
Diretúr Jerál STAE Acelino Manuel Branco hateten, antes ne’e STAE haruka ona delegasaun ba rai liur tuir dekretu Lei numeru 16/2016 hodi kompetensia ba Ministeiru Negosius Estranjeiru no Koperasaun (MNEK) atu atende prosesu hotu iha rai liur.
“sidadaun sira neé halo kedas asaun publikasaun liu husi aktu resensiamentu no meus nebeé ejiste tuir meus kontaktu, komunikasaun nebeé ita hetan liu husi Embaixada no Konsuladu sira nebeé asesu tiha ona resensiamentu eleitoral”, Tenik Nia. (Editor, Konusere).
