Dili-SMI, Reprezentante United Nations Educational, Scientific and Cultural Organization - UNESCO, Sin Shuki, husu ba estudante komunikasaun sosiál atu esforsu hodi estuda no prátika jornalizmu hodi nune’e bele sai jornalista profisionál iha futuru.
“Hau espera imi kontinua estuda no prátika nafatin no imi labele para, imi nia estuda no prátika, hau espera imi sei jornalista profisionál iha Timor Leste”, dehan Sin Shuki, iha kampus Kaikoli, Kinta, (02/08).
Iha biban hanesan, Vise Dekanu III, Bernardo Leto, aviza ba estudante komunikasaun sosiál UNTL atu aproveita tempu ho diak hodi estuda hodi aumenta kuiñesementu para bele bele kontribui ba dezenvolvimentu mídia iha rai-laran.
“Atu kompleta ita bo’ot sira nia estudu presiza han tempu, oportunidade ida ne’e atu haklean tan ita bo’ot sira nia kuiñesimentu iha ita bo’ot sira nia iha mundu, ita bo’ot sira nia mundu mak etika jornalista, mundu jornalizmu, espera bele dezenvolve mundu jornalizmu iha Timor Leste”, Tenik Leto.
Sorin seluk, Diretúr Komunikasaun Sosiál, Universidade Oriental Timor Lorosa’e – UNITAL, Martinho Mendes Pereira, hateten, Timor-Leste nu’udar nasaun foun hetan difikuldade barak hodi dezenvolve setór komunikasaun sosiál, liu-liu area jornalizmu nian, maibe liu husi seminar no formasaun sir abele hasa’e kapasidade estudante sira kona-ba jornalizmu nian. (Editor, Mateus Barros).
