17
Tue, Sep
0 New Articles

Governu Monta Aparellu Estadu Hodi Reduz Krime

Palasiu Governu. Foto, Arkiva SMI

Flash News
Typography

Díli-SMI, Liga ho volume krime ne’ebé ikus-ikus ne’e aumenta maka’as iha iha rai-laran liuhosi konflitu arte marsial, oho ema no hana ema iha fatin-fatin, VIII Governu konstitusional planu ona monta aparellu Estadu atu bele minimiza ka reduz krime iha rai-laran.

Ministru Justisa, Manuel Cárceres, esplika, Ministériu Justisa hamutuk ho Ministériu relevante sira seluk sei serbisu hamutuk hodi bele reduz volume krime iha rai-laran liu-liu iha kapitál Díli.

“Ministru Interior hamutuk ho ministru da justica mai haree asuntus liliu kona ba volume kriminalidade neebe ita hasoru bebeik”, Dehan Ministru Justisa, Manuel Cárceres, iha Palasiu Governu, Kinta (21/02).

Planu monta aperellu Estadu hodi reduz krime iha rai-laran ne’e bázea ba orientasaun hosi Primeiru Ministru, Taur Matan Ruak, relasiona ho situasaun segurasan iha rai-laran.

“Simu orientasaun husi primeiru ministru taur matan ruak  ministru interior em exersisiu hamutuk ho Ministru Justica para haree oinsa meius bele reduz krime sira ne’ebé ita sente ita haree liu-liu iha sidade kapitál dili”, dehan Cárceres.

Nia haktuir, orientasaun PM atu bele instituisaun estadu ne’ebé toma konta ba defeza no seguransa bele tau aparellu hodi kontrola diak sidadaun iha rai-laran.

Ministériu Justisa rasik sei orienta Polisia Sientifika Investigasaun Kriminal – PSIK hodi apoiu servisu intelejensia nian atu detekta krime organizadu sira liña kordenasaun no lala’ok iha rai-laran.

“Ba ministériu justisa polisia sientifika investigasaun kriminal sop tutela dependesia ministru justisa nian husu mós para ministru justisa bele hatun PSIC atu ajuda ita nia serbisu intelijensia sira halo serbisu ita bele deteta krimi organizadu nia hun sira,  ne’ebé nia lala’ok oinsa para ita bele hamutuk reduz tiha volume kriminalidade iha ita nia rai”, katak nia.

Governante ne’e mós esplika kona-ba futuru oinsa Governu bele reforsa ka hametin implementasaun lei ne’ebé justu no loos ba ema hotu.

“Vizaun ba oin ita bele haree para reforsa implementasaun da lei aplikasaun da lei tenke justu no lei ne’e ba ema hot”, dehan nia. (Editor, Lariwa).

Pin It

Follow us on Twitter

Sign up via our free email subscription service to receive notifications when new information is available.