06
Sat, Jun
9 New Articles

PSIK Sei Investiga Oknum Polísia Espalla Video Dollar Falsu

Bruno Magalhães, autor flasifikasaun orsan orsan dollar hamutuk ho nia maluk sira wainhira hetan kaptura hosi POLRI iha Indonézia. Foto, Internete.

Flash News
Typography

Díli-SMI: Ministru Interior Interenu, Filomeno Paixão de Jesus, esplika, orienta ona parte komanda Polisia Nasional Timor-Leste – PNTL atu entrega kazu involvimentu oknum polísia ne’ebé espalla video interogativu dollar falsu ba Polísia Sientifika Investigasaun Kriminal – PSIK atu halo investigasaun.

“Relasiona ho osan falsu ne’ebé publika iha mídia sosiál, liu hosi facebook, ne’ebé involve ekipa PNTL, entrega direta ba PSIK hodi halo investigasaun ba kazu refere”, dehan Filomeno Paixão, iha Palásiu Prezidensiál Bairru-pite, Kuarta, (11/03) hafoin hasoru malu ho Prezidente-da-Repúblika, Francisco Guterres Lú Olo.

Paixão, rekuiñese katak video dollar falsu ne’ebé viral iha mídia sosiál facebook durante ne’e espalla hosi membru PNTL ne’ebé involve ekipa investigasaun kona-ba kazu dollar falsu.

“Video ne’ebé serkula iha mídia sosiál ne’ebé involve membru PNTL balun. Ami nia hanoin iha operasaun ne’e relatóriu temi de’it prátika burla agravadu no flasifika tekniku dokumentu”, dehan  atúal Ministru Defeza ne’e.

Iha parte seluk, membru PN, Duarte Nunes, preokupa ho aktu membru polísia ne’ebé espalla video dollar faslu nian tanba bele estraga kredibilidade no independensia instituisaun PNTL nian. Tuir loloos membru polísia ne’ebé involve iha ekipa investigasaun kazu dollar falsu  presiza asegura informasaun la’os atu espalla fali iha mídia sosiál.

"Ekipa PNTL sira ne’ebé hetan dadus hosi orsan falsu tenke sai hanesan relatóriu ba PNTL, la’os atu fó fali ba ema polítiku sira hodi uza dadus sira ne’e ba sira nia interese polítiku”, tenik Duarte.

Liga ho kazu dollar faslu, Prezidente-da-Repúblika, Francisco Guterres Lú Olo, husu ba Governu liu-liu Ministériu Defeza no Interior atu tau fiar ba tribunal Indonézia hodi rezolve kazu flasifikasaun dollar ne’ebé involve timoroan ho naran Bruno Magalhães. (Editór, Rui Soares).

Pin It

Follow us on Twitter

Sign up via our free email subscription service to receive notifications when new information is available.