Díli-SMI: Diretúr Kompañia Jurmarzo Uni Pesoal. Lda, Marcos de Assis Belo, argumenta katak prosesu rehabilitasaun Estrada at iha munisípiu Baucau Vila ne’ebé ninia kompañia kaer paradu tanba implementasaun Estadu Emerjénsia – EE iha teritóriu laran.
Hanesan garante ida, Diretúr Kompañia Jumarzo, Marcos Belo, hatete, iha tempu badak-nia laran sei remata prosesu rehabilitasaun Estrada ne’ebé paradu durante fulan rua nian laran relasiona ho implementasaun EE refere.
“Manutensaun Estrada urbana ne’ebé paradu durante fulan rua nia laran tamba estadu implementa Estadu Emerjénsia maibè ho reativa hikas servisu ne’e garantia katak sei remata iha tempu badak nia laran”, dehan Diretúr Kompañia Jumarzo, Marcos, iha ninia rezidénsia Suku Trilolo, Baucau, Kinta, (04/06).
Diretúr ne’e garante katak area Estrada ne’ebé hetan rehabilitasaun hanesan dirasaun EDTL, Edifísiu Tribunal Distrital nia oin nomós parte merkadu Kota-Baru sei finaliza iha tempu badak nian laran hodi fasilita movimentu transporte públiku nian.
Maske nune’e, motorista transporte públiku hanesan Mikrolete dirasaun Vila Nova no Vila Antiga lamenta ho Kompañia Jumarzo ne’ebé la aslera lalais rehabilitasaun hodi prejudika sira nia movimentu iha tempu udan.
“Nu’udar kondutor ami husu halo nusa para kompañia na’in sira ne’e halo lalais oituan Estrada ne’e para ami mos movimenta di’ak tanba kareta sira ne’e kan ami babain selu fulan-fulan, ami sempre selu iha LLAJR kada fulan”, dehan Motorista, Dehan Mario Freitas, ho laran triste.
Parte Tekniku Kompañia Jumarzo Uni. Pessoal. Lda, Jose Hornai Belo, ne’ebé hetan konfirmasaun esplika katak tebes duni rehabilitasaun Estrada ne’ebé tama ona pursentu 50 ne’e paradu durante fulan rua maibe dadaun ne’e traballador hahú fali ona serbisu hodi finaliza projetu refere iha fulan Juñu nia rohan.
“Ami too iha Marsu ne’e ita nia estadu hanesan ne’e tanba Estadu Emerjénsia entaun ami para, agora mak ami hahú fali iha dia um de Juñu no ami agora remata iha fulan ida ne’e nia laran tamba fulan ida ne’e ami taka fali ba iha fulan abril nian”, dehan, Jose.
Orsamentu ne’ebé finansia ba projetu Estrada urbana iha Baucau Vila ho totál ($1,030.740.00) Rihun Atus Ida Tolu Nolu pontu Atus Hitu Haat Nolu Resin Dollar Amerikanu. (Editór, Guido Santos).
