24
Mon, Jun
0 New Articles

PNTL Kaptura Autor Omesidu Área Ponte BJ Habiebie Iha Same

Suspeitu OdcX ne'ebe hetan kaptura iha Fatuberliu - Manufahi. Foto, Midia PNTL.

Breaking News

Manufahi – SMI: Komandu Polisia Nasional Timor-Leste – PNTL munisípiu Manufahi hamutuk ho forsa intelejensia polisial no militar halo ona kaptura ba suspeitu mane ida ho inisiál OdcX ho idade 21 ne’ebé nu’udar autor ba tentativa omesidu iha área ponte BJ Habiebie,  iha Postu Administrativu Same, Munisípiu Manufahi.

Hafoin kaptura, suspeitu OdcX esplika kronólojia akontesementu katak antes halo asaun tenta omesidu  refere, nia tuir festa ida iha Hotel Paradise iha Areia Branca – Cristo Rei, ho kondisaun lanu dansa isin kona-malu ne’ebé konsege hamosu dezentendementu ho ema seluk, la’os ho vitima Damazon Correia Guterres ne’ebé nia sona.

Hosi dezentendementu ne’e, suspeitu sae motor ho marka Honda Scopy Mean fila fali mai nia uma iha parte Bidau Masaur Rai-hun nia hodi foti tudik hodi lori fali ba festa.

“Suspeitu deklara kronolojia katak nia ba festa iha paradise Areia Branca-Cristo Rei, ho kondisaun lanu dansa isin kona malu mak suspeitu OdxX ho ema atu baku malu, (laos legadu ne'ebé nia sona).

“Nune’e mosu dezentendimentu fíziku no suspeitu la satisfás fila ho motór marka Honda Scopy kor mean metan, Xapa matríkula P. 6232, mai foti kroat (tudik) iha uma Bidau Masaur Raihun no lori fila-fali ba iha festa”, Haktuir komunikadu PNTL, Tersa, (10/01).

Bainhira suspeitu to’o fali iha festa maibe nia la-konsege hetan ema ida ne’ebé laiha ligasaun ho dezentementu ne’e, nune’e suspeitu sona fali vitima ne’ebé inosente no laiha problema ho suspeitu ne’e rasik.

Depois suspeitu sona tiha vitima iha área ponte BJ Habiebie deside ho motor halai kedan ba subar iha Postu Administrativu Fatuberlu, Munisipiu Manufahi.

“Maibé suspeitu la konsege hetan nune’e suspeitu sona fali ema seluk ho naran Damazo Correia Guterres (DCG) iha parte kotuk laran ho tudik iha área Bidau Lecidere, besik ponte BJ Habibie ne’ebé laiha ligasaun ho dezentendementu iha festa refere.

“Hafoin sona tiha vitima iha Ponte BJ Habibie, kalan ne'e kedas suspeitu ho motór halai ba subar iha Fatuberliu-Manufahi”, SMI sita komunikadu hosi Komandu PNTL nian

Iha parte seluk, vitima ho naran kompletu Damazo Correia Guterres, tinan 30, hosi Basarawai, Haeconi, Postu-Administrativu Baguia, Munisípiu Baucau, hela iha Aldeia Bekusi Sentru, Suku Becora, Postu-Administrativu Cristu-Rei, Munisípiu Díli.

Vitima hetan asaltu no tentativa omisídiu agravadu iha loron 07 janeiru 2023, iha tuku 21:45 Otl. Hafoin hetan sona iha parte kotuk laran no tudik belit hela iha nia kotuk laran, vítima Damazo Correia Guterres, sa’e rasik ninia motór konsege ba to’o iha Ospitál Nasionál Guido Valadares (HNGV), Bidau, Dili, atu hetan tratamentu saúde.

Operasaun kapturasaun ba suspeitu ne’e kompostu hosi  Servisu Investigasaun Kriminál Nasionál (SIKN), hamutuk ho Servisu Sekreta forsa rua ne’ebé envolve Servisu Informasaun Polísia Nasionál (SIPN-PNTL), Aranha, Makikit, Servisu Informasaun Militar (SIM-F-FDTL), Unidade Falintil, J2 junta ho Servisu Nasionál Intelijénsia (SNI).

Suspeitu transporta ona hosi Komandu PNTL Munisípiu Manufahi mai Kuartel Jerál Caicoli Dili no sei detein durante oras 72 hodi halo prosesu investigasaun antes aprezenta ba tribunal.

Suspeitu OdcX rasik durante ne’e hela iha Suco Bidau Masaur, Postu Administrativu Cristo Rei, Munisipiu Díli. (Editor, Rui Santos).

Pin It

Follow us on Twitter

Sign up via our free email subscription service to receive notifications when new information is available.