20
Sat, Jul
0 New Articles

Tinan 2017, Sivil Na’in 2 Mate, 1 kanek Husi Kilat PNTL

Unidade Espesial Polisia - UEP. Foto, internet.

Breaking News

Dili-SMI, Tuir relatóriu Fundasaun Mahein – FM rejista katak maizumenus ema sivil hamutuk na’in tolu (3) mak mak sai vitima husi kilat musan instituisaun Polisia Nasiona Timor Leste - PNTL durante atuasaun iha terenu.

Relatóriu FM ho pajina hamutuk 12  ne’e relata katak husi totál vitima ema sivil na’in tolu ne’ebé sai vitima ba kilat husi instituisaun PNTL, ema na’in rua (2) mate no ema ida (1) kanek todan.

Tuir relatóriu ne’e katak Relatóriu joven ida mate iha area Bebonuk loron 6 fulan Maiu tinan 2017 ne’e deskofia hetan tiru husi membru membru PNTL.

“Iha loron 6 Maiu 2017 joven ida mate tamba hetan tiru no deskonfia husi membru PNTL sira ne’ebé halo atuasaun iha konfrontu entre grupu rua iha Bebonuk – Dili”, hakerek iha relatóriu monitorizasaun FM ne’ebé públika sai foin lalais ne’e.

FM nia relatóriu mós esplika katak ema sivil (joven) ne’ebé hetan tiru iha loron 12 Maiu 2017 hafoin liu semana ida kazu Bebonuk deskonfia membru PNTL tamba indetifika ema uza kareta ne’ebé hakerek ho sigla Companha Seguransa Pessoal – CSP nian.

“Iha loron 12 Maiu 2017 ema deskuiñesidu ho kareta tiru kanek joven ida iha Praia dos Coqueiros – Dili. To’o agora seidauk identifika lolos kilat ne’e husi ne’ebé no suspeitu ba kazu ne’e. Mesmu altura ne’eba deskonfia katak kilat husi PNTL nian tamba tiru mai husi kareta ida la iha xapa matrikula maibe iha nia lolon hakerek sigla Companha Seguransa Pessoal (CSP) – PNTL nian”, hakerek iha relatóriu ne’e.

Husi relatóriu ne’e mós mensiona kona-ba ema sivil ida mate iha Suku Casa Munisipiu Ainaro tanba kauza husi kilat instituisaun polísia nian iha tinan 2017 nia rohan.

“Insidente seluk iha Suku Casa Munisipiu Ainaro bainhira mosu konfrontasaun entre grupu rua no atuasaun PNTL nian iha fatin akontesementu tiru hodi hakalma situasaun ne’e. Nune’e ema ida trauma ho membru PNTL sira nia tiru desmaia no mate iha insidente ne’e iha fulan Novembru 2017”, dehan relatóriu ne’e.

Sosiadade Sivil ne’ebé durante ne’e halo monitorizaun ba asuntu Defeza no Seguransa mensiona iha relatóriu kona-ba joven ida hetan tiru husi Unidade Espesial Polísia – UEP wainhira halo atuasaun ba konfrontasaun iha area Fatuhada iha fulan Novembru 2017.

Relatóriu ne’e rekere mós kazu anterior sira kona-ba efeitu kilat husi membru PNTL hanesan membru PNTL tiru membru F-FDTL iha loron 26 Agustu 2016, iha Munisipiu Ainaro. Nune’e mós kazu membru Unidade Polisia Fronteira tiru mate ema sivil iha Munisipiu Covalima iha loron 3 fulan Agustu 2016.

Husi efeitu kilat instituisaun PNTL durante ne’e, FM husu ba komandu atu mellora diak liu tan mekanizmu no jestaun kilat iha internal instituisaun PNTL hodi nune’e bele evita ema sivil sai vitima iha futuru.

Foin lalais ne’e, Sosiadade Sivil hanesan BELUN mós fó sai relatoriu monitorizasaun durante fulan Dezembru 2017 to’o Janeiru 2018 relata katak maioria membru PNTL involve iha insidente violénsia durante halo atuasaun iha terenu. (Editor, Lariwa).

Pin It

Follow us on Twitter

Sign up via our free email subscription service to receive notifications when new information is available.